Moggabloggari #1

 Eftir alls konar trakteríngar, stæla, tilraunir, stólpakjaft, ögranir, hreinskilni, krassandi fyrirsagnir, heitar umræður - you name it - tókst mér loks að ná langþráðu markmiði, að komast í fyrsta sætið á "vinsældarlista" Moggabloggsins. Hafði áður náð silfri og bronsi nokkrum sinnum.

Rétt að taka fram að ég hef ekki talað gegn eigin sannfæringu (eða blekkt í þeim skilningi), en stundum skrifað með örlitlum ýkjum og í krassandi stíl. Ég segi þetta lesendum ekki til vansa (hvað lestrarsmekk varðar); en þeir vilja gjarnan krassandi stíl og heitar umræður. Það er prýðilegt. Mér tókst líka að forðast klám, kynlíf, útlendar stórstjörnur og ofbeldi að mestu. Held ég hafi ekki nefnt Mækul Jakkson á nafn.

Kannski ég fari núna í smá sumarfrí...

50 vinsælustu bloggarnir síðastliðna 7 daga

SætiHöfundurSlóðVikuinnlitVikuflett.Gestir/dagIP-t./dag

1.	Friðrik Þór Guðmundsson	lillo.blog.is	12.034	16.792	1.590	1.460
2.	Jenný Anna Baldursdóttir	jenfo.blog.is	11.071	18.578	1.362	1.218
3.	Einar Sveinbjörnsson	esv.blog.is	10.208	16.045	1.302	1.104
4.	Lára Hanna Einarsdóttir	larahanna.blog.is	7.776	12.792	957	878
5.	Áslaug Ósk Hinriksdóttir	aslaugosk.blog.is	7.680	11.995	900	831
6.	Hilmar Hafsteinsson	hilhaf.blog.is	6.744	8.466	896	809
7.	Ómar Ragnarsson	omarragnarsson.blog.is	6.690	10.539	869	791
8.	Páll Vilhjálmsson	pallvil.blog.is	6.211	10.426	742	682
9.	Jón Valur Jensson	jonvalurjensson.blog.is	5.971	10.217	743	676
10.	Arnar Guðmundsson	gumson.blog.is	5.619	8.025	725	599
11.	Ólína Þorvarðardóttir	olinathorv.blog.is	5.270	10.748	692	648

Athugasemdir

[Kristín Dýrfjörð, 27.7.2009 kl. 00:31]

Ertu pínu að monta þig minn kæri? En það er gott til þess að vita að þjóðmálaumræða er enn vinsælt sport á meðal þjóðarinnar.

[Jóna Kolbrún Garðarsdóttir, 27.7.2009 kl. 00:37]

Til hamingju með árangurinn. 

[Heiða B. Heiðars, 27.7.2009 kl. 00:44]

oh þú ert svo frægur!!! Núna get ég farið að neimdroppa og allt :D

Krassandi eða ekki krassandi...fólk nennir greinilega að lesa það sem þú hefur til málanna að leggja 

[Einar Björn Bjarnason, 27.7.2009 kl. 00:55]

Eins langt og það nær - til hamingju.

Kv.

[Friðrik Þór Guðmundsson, 27.7.2009 kl. 02:17]

Monta er ekki rétta orðið. Ehhhh.... bara fagna árangri. Já, já, kannski þarf stundum leikræna tilburði, en það er í lagi meðan málefnið er í forgrunni, sannfæringin er ærleg, enginn skaðaður og almennileg/töluverð umræða fæst.

En hvað sem öðru líður þá hef ég síðustu vikuna fengið um 1.600 gesti til að heimsækja bloggið mitt daglega að meðaltali. Ég held að það sé meiri lestur en þegar ég var blaðamaður á Alþýðublaðinu hérna í gamla daga!

[Lára Hanna Einarsdóttir, 27.7.2009 kl. 02:19]

Til hamingju með verðskuldað toppsæti! 

[Steinarr Kr. , 27.7.2009 kl. 08:47]

Til hamingju, vona að þú haldir upp á þetta með stæl. Annars skrítinn listi, enginn stebbifr.

[Axel Jóhann Axelsson, 27.7.2009 kl. 09:02]

Til hamingju með þennan merka árangur.  Það er alltaf kíkt á þig, þó ekki sé maður alltaf sammála.  Þannig skapast umræða.

[Jenný Anna Baldursdóttir, 27.7.2009 kl. 09:29]

Til hamingju númeró únó.

Algjörlega verðskuldað. 

En ég segi eins og Steinarr: Enginn Stebbi Fr.  What is?

[Arinbjörn Kúld, 27.7.2009 kl. 09:48]

Góður

Kveðja að norðan.

[Ragnheiður , 27.7.2009 kl. 10:11]

Til hamingju með þennan ..ágæta árangur

[DoctorE (IP-tala skráð) 27.7.2009 kl. 10:20]

Per se er ég lang vinsælastur... ég birtist hvergi en næ samt að hala inn ~200 heimsóknir á dag....;)

[Jón Baldur Lorange, 27.7.2009 kl. 10:51]

Til hamingju með þetta Friðrik Þór. Þú ert beittur og velþjálfaður penni sem svíður undan og kannt að ögra lesendum og fá þá til ,,að leggja við hlustir".

[Magnús Geir Guðmundsson, 27.7.2009 kl. 10:51]

Friðrik, þú verðskuldar vísu,

vinsælastur og hýr.

En svona í kreppunnar krísu,

kannski er innihaldsrýr!?

[Stefán Friðrik Stefánsson, 27.7.2009 kl. 11:32]

Til hamingju Friðrik.

Ég hef verið í fríi síðustu vikur og lítið sem ekkert skrifað, svo það er varla furða að lesturinn minnki.

[Sigurður Þórðarson, 27.7.2009 kl. 11:41]

Gaman að þessu

[Gísli Baldvinsson (IP-tala skráð) 27.7.2009 kl. 11:47]

Til hamingju með það. Ég ætla svo sem ekki að draga úr vímunni, en þegar ég sinnti kennslu þá varð ég aldrei sæll þegar svo vildi til að vera kosinn í vinsældakosningu nemenda! 50 vinsælustu bloggin eru ekki endilega þau læsilegustu! kv gb nr 36

[Finnur Bárðarson, 27.7.2009 kl. 11:59]

Ég er bara öfundsjúkur

[Friðrik Þór Guðmundsson, 27.7.2009 kl. 12:00]

Auðvitað "græðir" maður á því að Stebbi Fr. er í fríi! Og Lára Hanna eitthvað að slaka á. Enginn er betri en "andstæðingurinn" leyfir.

Víst eru margar vísur góðar

en vondar stökur nefnast  leir,

nema þær sem eru óðar

og alltaf kallast Magnús Geir.

[DoctorE (IP-tala skráð) 27.7.2009 kl. 12:31]

Stebbi sem tengir í allar fréttir og endursegir þær... hahahaha

[Magnús Geir Guðmundsson, 27.7.2009 kl. 16:20]

Það var lagið Friðrik Vinsæli, ekki síðra INNIHALD í þessari en minni! En varstu "óstuddur við klambrið"?

[Sævar Einarsson, 27.7.2009 kl. 20:34]

Nokkur blogg eru með sinn eigin teljara og misræmið á milli teljara mbl.is og þeirra teljara er vægast sagt merkilegur en til lukku með árangurinn, ég náði hæðst í fimmta sæti í fyrra en það var áður en þeir ákváðu að þjóðskrártengja fréttir við blogg sem er bara djók.is, ef þeim væri alvara þá hefði þessi miðill átt að kennitölutengja blogg við fréttir.

Nafnið Guðmundur Jónsson hefur sem dæmi 11.4% vægi en vægið á nafni sem heita Jón Sigurðsson hefur 1.42% svo að skrifa undir nafni úr þjóðskrá gefur engan veginn rétta mynd af höfundi nema kennitala sé undir, nema vægið sé 100% það er að segja að viðkomandi eigi ekki alnafna.

[Björn Birgisson, 27.7.2009 kl. 21:31]

Merkileg skepna þessi mannskepna! Sigurvegari í Moggabloggi? Vinsælastur í Moggabloggi? Ég held að sumarfrí væri bara vel við hæfi. Njóttu þess!

[Friðrik Þór Guðmundsson, 27.7.2009 kl. 21:44]

Er ekki rétt að koma sér til Ísafjarðar aftur, Björn?

Magnús Geir; ég notaði sama aðstoðarmanninn og þú.

[Magnús Geir Guðmundsson, 27.7.2009 kl. 23:20]

Tja, varla NÁKVÆMLEGA sama haha, nema jú ég notaðist auðvitað óbeint við ÞIG!

En fékk alt í einu þá hugmynd, að kannski hefði þinn betri helmingur komið við sögu, veit þó hreint ekki hvers vegna!?

[Björn Birgisson, 27.7.2009 kl. 23:34]

Ísafjarðar? Hvað svo sem til að gera á þeim ágæta stað?

[Friðrik Þór Guðmundsson, 28.7.2009 kl. 01:28]

Nei, nei, Magnús Geir, minn betri helmingur stundar ekki ljóðagerð. Ég á hins vegar skúffur fullar. Ein vel troðin skúffa er reyndar full af samstarfsverkefnum fyrri parta og botna, en að öðru leyti klambra ég saman hjálparlaust. Hér er ein sem liggur á milli "leirs" og "Magnúsar Geirs":

Ormarnir, þeir þrífast best

í þurrum gröfum.

Hafa mettir klárað mest

af mínum öfum.