Sonar saknað - Sturla Þór eldri 25 ára

 

 Hann á 25 ára afmæli í dag - og hvílík veisla, hefði hann lifað. Ég sakna þín á hverjum degi Stubburinn minn. Glæpsamlegt flugfélag svipti þig og fimm önnur lífinu og frábær samfélagslega rekin heilbrigðisþjónusta var næstum búin að bjarga lífi þínu, gegn öllum líkindum. 

Við fórum að leiðinu þínu áðan og ég hengdi KR merki á krossinn þinn - það ætti að tryggja heimasigur gegn Grindavík í dag.

Að öðru leyti og að sinni geri ég að mínum orðum færslu mömmu þinnar í morgun (roggur.blog.is):

 

"Í dag 10. maí hefði Sturla okkar orðið 25 ára. Í dag förum við að leiðinu hans og leggjum á það blóm. Höldum upp á daginn með köku og kaffi. Sturla á það sannarlega skilið. Við viljum minnast hans með gleði og rifja upp minningar. Það gefur deginum óneitanlega gleðiblæ að nú hefur Sturlubarnið bæst við fjölskylduna. Hann minnir á frænda sinn um sumt. Er ákafur og kraftmikill. Veit hvað hann vill og er handsterkari en hægt er að reikna með hjá svona litlu barni. Gleðigjafi og gullmoli".

Athugasemdir

[Sigurður Þórðarson, 10.5.2008 kl. 12:49]

Ég held með KR í dag.

[Júlíus Valsson, 10.5.2008 kl. 13:13]

Til hamingju með daginn kæri bloggvinur. Áfram KR!

[Guðríður Hrefna Haraldsdóttir, 10.5.2008 kl. 15:10]

Sem gamall Vesturbæingur held ég með KR í dag þar sem Skagamenn keppa við Breiðablik, staðan 0-1 í hálfleik ... er alltaf í tilvistarkreppu þegar ÍA og KR keppa.

Góður siður að halda upp á afmæli Sturlu. Vona að hann fái KR-sigur í afmælisgjöf.

[Friðrik Þór Guðmundsson, 10.5.2008 kl. 16:14]

Hugheilar þakkir. Og KR vann 3:1. Stulli var tólfti maðurinn.

[Lára Hanna Einarsdóttir, 10.5.2008 kl. 16:51]

Til hamingju með soninn og sigurinn! 

[Baldur Kristjánsson, 10.5.2008 kl. 17:41]

Kveðja frá mér! Kv. Baldur

[Óskar Helgi Helgason (IP-tala skráð) 10.5.2008 kl. 18:11]

Innilegar kveðjur; og til hamingju með þennan merkisdag, Friðrik Þór og frú.

                                              Óskar Helgi Helgason og fjölskylda 

[Gunnar Th. Gunnarsson, 10.5.2008 kl. 18:25]

Kærleikskveðja til þín og þinna Friðrik í tilefni dagsins

[Ólína Kjerúlf Þorvarðardóttir, 10.5.2008 kl. 20:12]

Hlýjar kveðjur kæri Friðrik.

Mér er þetta mál mjög minnisstætt, elja ykkar og dugnaður við að knýja fram rannsókn og fá fram svör.

Þið stóðuð ykkur öll eins og hetjur uns yfir lauk.  

[Jenný Anna Baldursdóttir, 11.5.2008 kl. 00:05]

[Friðrik Þór Guðmundsson, 11.5.2008 kl. 16:28]

Takk öll.

[Friðrik Þór Guðmundsson, 12.5.2008 kl. 12:36]

Rúna systir skrifar:

"Við söknum þín líka elsku frændi!

Við vorum rænd því að fá að kynnast þér betur.

Ástarkveðjur – Rúna".

[Kjartan Pálmarsson, 12.5.2008 kl. 23:54]