Ég stræka á fundi þegar strákarnir spila

 

   Það er ég viss um að "kerlingar af báðum kynjum" innan allra stjórnmálaflokka séu nú í óða önn að skipuleggja pólitíska fundi næsta miðvikudag, akkúrat þegar Skotland er að taka á móti Íslandi í fótboltanum.

Ég hef oft orðið gramur yfir því þegar "kerlingar af báðum kynjum" finna aldrei betri fundartíma en kl. 3 á laugardögum, þegar Liverpool, Manchester United, Arsenal, Chelsea og Tottenham eru að spila.  Ég þykist vita að sömu "kerlingar af báðum kynjum" hafi ekki hugmynd um að það er landsleikur í fótbolta næsta miðvikudagskvöld og eru um það bil að boða til áríðandi fundar akkúrat þá.

Hef ég ekki rétt fyrir mér?

„Eigum ágæta möguleika“

Athugasemdir

[Guðmundur St Ragnarsson, 30.3.2009 kl. 10:43]

Ó jú!

[Magnús Geir Guðmundsson, 30.3.2009 kl. 11:34]

Haha Friðrik Þór, skemmtilegur tónn í þessu hjá þér! Alltaf lúmskt gaman þegar fylkingar með og á móti íþróttum takast á, þó það hafi nú reyndar alltaf farið í taugarnar á mér, svolítið, þegar margur sjálsskipaður menningarvitinn hefur viljað stilla íþróttum og t.d. listsköpun upp sem andstæðum pólum!

Íþróttir að sjálfsögðu engu minna menningarfyrirbæri en til dæmis listmálun og kappar á borð við Eric CAntona, Dimitar Berbatov og Alla Gísla gætu sannarlega staðfest, "Boltadrengir" sem allir hafa fengist eða fást líka við myndlist!

[Finnur Bárðarson, 30.3.2009 kl. 12:31]

Fær þetta lið aldrei nóg af fundarsetum ? Er þetta eitthvað heilkenni ?

[Friðrik Þór Guðmundsson, 30.3.2009 kl. 12:55]

Góð spurning Finnur. Fundir eru nauðsynlegir, ekki síst mótmælafundir og kosningafundir, en það er allt í lagi að horfa í kringum sig og gæta þess að atburðir rekist ekki á um of.

Ef markmiðið er að fá sem flesta á fund þá setur þú ekki fund á þegar eitthvað rosalega vinsælt annað er í gangi, sérlega vinsæll sjónvarpsþáttur til dæmis. Í "den" var vinsælt að hafa fundi sjónvarpslausa daginn og vitaskuld ákveðin hugsun þar að baki. 

[Högni Jóhann Sigurjónsson, 30.3.2009 kl. 18:49]

Ég stræka líka, þetta er óþolandi hugmyndasnauð að ekki sé hægt að setja á fundi á öðrum tímum en þegar leikir eru, til eru menn sem ryksuga fyrir hádegi á laugardögum til að húsmóðirin fari ekki að ryksuga á alversta tíma, þegar ekki eru leikir má hún bara ryksuga þegar hún vill.

[Friðrik Þór Guðmundsson, 30.3.2009 kl. 19:25]

Þakka undirtektirnar. Ég ætla að fylgjast með hvaða fundir eru boðaðir meðan á leiknum stendur...

[Högni Jóhann Sigurjónsson, 30.3.2009 kl. 20:15]

Það er auðvitað nauðsynlegt að vita á hvaða fundi maður er að stræka.