Fjölmiðlar og niðurskurður

Afþreying er hvað fjölmiðlarekstur varðar svo gott sem andstæðan við fræðslu og upplýsingagjöf (fréttir). Þegar markaðslögmál eru ríkjandi og það kreppir að, fjölmiðill þarf að draga saman seglin og segja upp fólki, er tilhneigingin sú að spara á sviði fræðslu og frétta (alvarlegum, þungum sviðum) frekar en á sviði afþreyingar.

Við fjölmiðlun er gjarnan talað um information (upplýsingar/fræðsla), infotainment (sambland af upplýsinga- og skemmtanagildi) og entertainment (skemmtanagildi - afþreying). Víða um heim hafa ekki síst sjónvarpsstöðvar með fréttastofur verið að færast æ meir frá klassískum fréttum (information) yfir í blönduna (infotainment) og margir fréttasjúkir kvartað yfir því og þá ekki síst þeir sem telja fjölmiðla og einkum sjónvarpsstöðvar vera virkasta og kannski æskilegasta vettvanginn fyrir beina lýðræðislega umræðu og upplýsingaveitu.

Um þessar mundir ríkir fáokun á íslenska fjölmiðlamarkaðinum, þar er kreppa og þar er verið að skera niður.

 

365 verður Íslensk afþreying

Athugasemdir

[G. Tómas Gunnarsson, 20.11.2008 kl. 20:25]

365/Íslensk afþreying, eða hvað sem þetta félag kemur til með að verða kallað á næstu misserum á enga fjölmiðla, engin blöð, enga sjónvarpsstöð, enga fréttastofu til að leggja niður.

Það var allt selt frá 365, til Rauð sólar/Nýrrar sýnar fyrir skemmstu og vakti þó nokkra athygli í fjölmiðlum.  Nú er verið að skipta um nafn á "afgangnum".

[Rýnir, 20.11.2008 kl. 20:26]

Sælir,

ég átta mig ekki alveg á þessari færslu að ofan. Seinast þegar ég vissi, þá var búið að selja fjölmiðlahluta 365 út úr fyrirtækinu yfir í fyrirtækið Ný sýn ehf. (áður Rauðsól ehf.)?

Held að þessar vangaveltur séu því óþarfar, þar sem fréttastofan heyrir ekki lengur undir 365.

Bestu kveðjur,

[Friðrik Þór Guðmundsson, 20.11.2008 kl. 20:29]

Alveg rétt - færslan öll er dregin til baka, ég var búinn að steingleyma þessum snúningi Jóns Ásgeirs.

Það þurfa þá ekki fleiri að laga vitleysuna mína. Færsla þessi verður fjarlægð eftir skulum segja eina eða tvær klukkustundir og sett í skammarkrókinn.

[Lára Hanna Einarsdóttir, 20.11.2008 kl. 21:53]

Ég var líka búin að gleyma þessu og tók þetta alveg eins og þú, Friðrik.

[Friðrik Þór Guðmundsson, 20.11.2008 kl. 22:29]

Ástæðulaust kannski að taka það fram, en ég er búinn að gerbreyta færslunni!