Við höldum með sigurvegurunum, er það ekki?

Okkur líkar best við þá sem eru bestir og vinna oftast og glæstu sigrana, er það ekki? Hjá sumum gætir tilhneigingar til að halda með þeim sem aldrei vinna, „the underdogs“, en sú árátta hefur sjálfsagt verið að hverfa á tímum nýfrjálshyggjunnar, efnishyggjunnar og einstaklingshyggjunnar (survival of the fittest/fattest). Í lífsins baráttu viljum við vera eins og sigurvegararnir – Liverpool og Manchester United.

Enski boltinn hefur löngum átt hug og hjörtu landsmanna, einkum karlkyns en líka í vaxandi mæli kvenkyns. Af hundruðum liða í Englandi höfum við flest ákveðið að halda með þeim sem vinna oftast. Við viljum tapa sem sjaldnast og helst aldrei. Við viljum lágmark eina gullmedalíu hvert ár.

Deild Enska boltans hjá mbl. Is hefur undanfarnar vikur staðið fyrir „liðskönnun“ okkar á meðal um stuðning við Ensk lið og nú áðan höfðu 11.673 greitt atkvæði í könnuninni (sem er fádæma mikið í net-könnunum hér á landi). Staðan hefur lítt breyst að undanförnu og er svona:

Hvert er þitt lið í ensku úrvalsdeildinni?

Liverpool             32,7%

Man.Utd             27,4%

Arsenal                15,6%

Chelsea                 5,9%

Tottenham           4,8%

West Ham            3,3%

Newcastle            1,7%

Aston Villa            1,6%

Everton                 1,5%

Man.City               1,5%

Það eru til fjölbýlishús með um 500 íbúa. Líkast til er þar að finna 163 Púlara, 137 Manútara, 78 Gönnera, 29 Clesíara, 24 Spursara, 17 Westhamara og síðan 52 sem halda með ýmsum öðrum liðum.

Efnt til knattspyrnumóts gætu Púlarar sent nær 15 (ellefu manna) lið, Manútarar 12, Gönnerar 7 lið, Chelsíarar 2 (og hálft) og Spursarar 2 lið. Ofsalega mikið um rauða boli!

75.7% halda með 3 liðum, þeim sigursælustu auðvitað. Mér finnst raunar merkilegt hve mínir menn, Spurs, njóta mikils fylgis hérlendis, miðað við kröfuna um helst „dollu“ á hverju ári, sem áreiðalega er vænting stuðningsmanna þriggja til fjögurra efstu liðanna á listanum. Þrír af hverjum fjórum halda með dollu-liðunum. Mest er ég hissa yfir því að Chelsea hafi ekki hoggið stærri skörð í hlut þriggja efstu, eftir Eiðstímabilið. Ég er líka svolítið hissa að KR-búningur Newcastle hafi ekki skilað meiri árangri.

En það sem vekur einna mestu athyglina hjá mér er brotthvarf Lídsaranna. Miðað við það sem ég man er ég handviss um að Leeds United hafi hér fyrir bara 10-20 árum náð allavega fjórða sætinu með kannski 10%. Nú virðast fylgismenn liðsins hafa gufað upp að mestu. Af hverju ætli það sé? Jú, liðið varð gjaldþrota, féll um tvær deildir og vinnur núna aldrei „dollur“. Við höldum ekki með svoleiðis liðum.  -

p.s. Hef „falið“ reiði-pistlana mína í bili en ekki eytt þeim. Þeir eru og verða áfram til, en fá hvíld frá lesningu að sinni.

Athugasemdir

[Vilberg Helgason, 13.10.2008 kl. 13:51]

Við Íslendingar höfum náttúrulega ákveðnar afsakanir í þessu öllu. Þeas að lið eins og ManUtd og ManCity spiluðu á Íslandi '82 og ekki nóg með að þeir spiluðu í REK þá fóru þeir norður og spiluðu við KA og Þór.

Síðan kom Liverpool líka hingað ef ég man rétt og svo má náttúrulega ekki horfa frá því að Bjarni Fel fékk pínu að velja hvaða liðum við myndum halda með þegar við vorum að horfa á viku gamla leiki sem hann valdi okkur til sýningar og oftar en ekki voru það Liverpool, Arsenal og ManUtd sem urðu fyrir valinu.

Síðan ef þessi könnun hefði verið gerð þegar Eiður var í Chelsea hefðu þeir örugglega fengið einhver 10% hærra og West Ham örugglega einhverju minna, enda ekki komnir í Íslandshendur þá. Jafnvel spurning hvort Stoke hefði dregið eitthvað til sín.

[Friðrik Þór Guðmundsson, 13.10.2008 kl. 14:49]

Já, Bjarni Fel var áhrifamikill, svo mikið er víst, en ég held að það útskýri ekki allt.

Fólk sem hélt með Chelsea meðan Eiður var þar en hætti því svo þegar hann fór er kallað félagsskítar. Það er prinsippmál að halda með liði. Ég hef haldið með Spurs í gegnum þykkt og þunnt og oft hefur það verið erfitt. Núna er það t.d. svo erfitt að tala má um tvöfalda kreppu hjá mér! Ég skil betur uppgufaða Lídsara; margir þeirra hafa sjálfsagt gefist upp, en sjálfsagt er bunki af þeim sem svarar ekki svona könnun...

[Guðmundur Brynjólfsson (IP-tala skráð) 13.10.2008 kl. 15:01]

Ég ítreka og undirstrika AÐ ÉG ER LEEDSARI! Og kem til með að halda áfram að vera Leedsari!!!

[Friðrik Þór Guðmundsson, 13.10.2008 kl. 15:04]

Gott hjá þér Guðmundur - og ég er viss um að þið komið allir úr felum þegar Leeds kemst aftur í efstu deild. Eftir 2-3 ár.

[Hlynur Þór Magnússon (IP-tala skráð) 13.10.2008 kl. 15:50]

Í þessari könnun er gefst ekki kostur á því að velja Leeds ...

[Friðrik Þór Guðmundsson, 13.10.2008 kl. 16:18]

Það er ljóst. Ekki heldur Gillingham, Bournemouth, Ipswich, Coventry, QPR o.s.frv. Valkosturinn "Annað lið" er fyrir hendi og er með 2.3%. Leeds á örugglega vænan skammt þar af. Kannski helminginn?

Í kosningum til 63-manna þings og með 5% lágmarksfylgi yrðu hins vegar aðeins fjórir flokkar/lið með fulltrúa en Spursarar næðu inn "þingmanni" við bestu aðstæður við að slefa yfir lágmarkið. Liverpoolflokkurinn væri þá með um 23-25 þingmenn, Man. Utd með 20-21, Arsendal með 11-12, Chelsea með 4 og Spurs með 3, en aðrir flokkar/lið kæmu ekki manni á þing. Svoleiðis er það bara. Liverpool er Sjálfstæðisflokkurinn, Man. Utd. er Samfylkingin, Arsenal er Vinstri-grænir, Chelsea er Framsóknarflokkurinn og Spurs er Frjálslyndi flokkurinn. Gaman að þessu.

[Lára Hanna Einarsdóttir, 13.10.2008 kl. 18:54]

Er ekki runnin upp tími Húllara? Þeir hafa staðið sig frábærlega það sem af er sem nýliðar í úrvalsdeildinni.

Þótt ég sé MU-ari fylgist ég með Hull og er MJÖG veik fyrir þeim.

[Sigríður (IP-tala skráð) 13.10.2008 kl. 19:22]

Hafa ekki einkverjar færslur horfið af síðunni?

Af hverju?

[Friðrik Þór Guðmundsson, 13.10.2008 kl. 20:54]

Húllarar eru bóla, Lára Hanna!

Sigríður; lastu ekki færsluna? Lokorðin þar eru:  "p.s. Hef „falið“ reiði-pistlana mína í bili en ekki eytt þeim. Þeir eru og verða áfram til, en fá hvíld frá lesningu að sinni". Sendu mér tölvupóst ef þig vantar að lesa einhverja"falda" færslu. Þá fer ég í "Þjóðarbókhlöðuna" mína og sendi þér efnið. Kannski má segja að það sé liður í því að tempra mig niður að setja færslurnar tímabundið til hliðar.

[Aron Ingi Ólason, 13.10.2008 kl. 21:20]

það hlaut að vera mig minnti nefnilega að þú hefðir sagts ætla að hætta að halda með breskum fótboltaliðum og vona að bretar myndu tapa fyrir azperkistan eða er ég að rugla?

[Friðrik Þór Guðmundsson, 13.10.2008 kl. 21:38]

Ég held ekki með "breskum fótboltaliðum" heldur einu ensku liði, Aron, Tottenham, og mun halda áfram að gera það. En það er rétt að ég vonaði innilega að England myndi tapa fyrir Kazargistan. Von mín rætist aldeilis ekki og allt í lagi með það.

[Lára Hanna Einarsdóttir, 13.10.2008 kl. 22:04]

Bóla, njóla! Kannski - en við sjáum til. 

[Tjörvi Dýrfjörð, 14.10.2008 kl. 00:49]

Þetta er svolítið skemmtileg könnun sem þarna er gerð sérstaklega með samanburðinum við stjórnmálaflokka.

ég skemmti mér við það í nokkur ár að gera óvísindlega félagskönnun á fólki sem ég rakst á í gegnum tíðina.

hafa ber í huga að þetta var þegar Man.utd tröllreið öllu í enska boltanum og Schumacher vann alltaf í formúlunni.

en spurningarnar voru eftirfarandi.

með hverjum heldurður í enska boltanum? ef svarið var Man.utd þá kom næsta spurning "með hverjum heldurðu í formúlunni?" ef svarið var Schumi þá kom næst spurningin "kýstu þá Sjálfstæðisflokkinn í kosningum? ég held ég geti fullyrt að í 95% tilfella var svarið Já!

semsagt þá er til fullt af fólki sem heldur með og kýs þann sem er sterkastur þá stundina af því að þá er það "öruggt" um að vera í vinningsliðinu.

kv

Tjörvi

[Friðrik Þór Guðmundsson, 14.10.2008 kl. 00:56]

Glæsilegt Tjörvi. Ef svarið við fyrstu spurningunni hefur verið "Arsenal" þá hefur þú væntanlega bara snúið þér að næsta manni, ekki satt?

Og fleiri samlíkingar: Útrásar-hetjur voru á toppnum en eru núna... verulega stuðningsmannaskertir.