Friðrik Fimmti

Best að ljúka þessu tilraunatali öllu saman; tilraunin skilaði mér hæst í fimmta sætið og samþykki ég hér með bloggmeistaranafnbótina Friðrik fimmti. Ómar Ragnarsson er síðan búinn að berja í klárinn og ruddi mér með offorsi niður í sjötta sætið. Ég vissi ekki að Ómari gæti verið svona mikil ótukt.

Og að gefnum tilefnum: Ég veit að það eru til fleiri bloggheimar en Moggabloggið. Ég veit að það, að síða er heimsótt, þýðir ekki endilega að síðan sé lesin.  

Athugasemdir

[Jóna Kolbrún Garðarsdóttir, 21.3.2008 kl. 02:46]

Friðrik fimmti, það hljómar konunglega

[Kristín Dýrfjörð, 21.3.2008 kl. 03:07]

Enda með bestu veitingarstöðum landsins (er á Akureyri) og minn uppáhalds.

[Ómar Ragnarsson, 21.3.2008 kl. 09:45]

Um bloggið gildir svipað og aðra fjölmiðlun að svokallaðir "markhópar" ráða miklu um umferðina. Bloggheimar líkjast um sumt gamla sveitasímanum þar sem allir gátu hlustað á alla. Sumir hneykslast nú á því hve misjafnt bloggið sé og sumt af því ekki fallegt en þetta er bara þverskurður af þjóðfélaginu. Hér fyrr á árum gengdu sendibréf hlutverki heimilda um samskipti fólks og þegar bréfin hurfu að mestu og símtöl tóku við sem helsti samskiptamátinn var það að því leyti til skref afturábak að mikill heimildaskortur er og verður um samskipti og umræðu manna á milli á þessu tímabili Íslandssögunnar. Bloggið bætir að hluta til úr því og getur kætt sagnfræðinga framtiðarinnar.

[DoctorE (IP-tala skráð) 21.3.2008 kl. 10:10]

Ómar er celebrity, við gaurar götunnar ættum að fá forgjöf á þannig karla ;)
Mér hefur sýnst að líklegast till vinsælda sé: sex, celebrity & veikindi... eða hér um bil næstum því.
Gleðilegan föstudaginnlanga :)

[Friðrik Þór Guðmundsson, 21.3.2008 kl. 14:15]

Þakka Ómari pent fyrir samlíkinguna við sveitasímann, mjög skemmtilegt. Eins og hann hef ég tilhneigingu til að þykja nokkurt gildi í flestu bloggi. En það er líka rétt hjá DoctorE að vísast til vinsælda virðist vera að fjalla í einhverju um kynlíf, frægt fólk og ofbeldi, sbr. hvað mest er lesið á Netinu almennt. Ég barðist vissulega við þá freistni að hafa ákveðin lykilorð í fyrirsögnum sem lutu að þessum þáttum. "Barnapíu Britney Spears nauðgað" eða eitthvað slíkt. Friðrik fimmti.