Breiðavík V: Félagsfræðileg skilaboð?

Ég skrifaði fjóra pistla um Breiðavík og uppskar 3 (þrjú) komment. Ég skrifaði nokkra pistla um meiðyrðamál og umferðina og uppskar 70 komment (mín eigin auðvitað dregin frá). Ég hefði viljað sjá meira jafnvægi þarna á milli, því Breiðavíkurmálin eru langtífrá útkljáð.

Það er til dæmis enginn farinn að ræða þau félagslegu gildi sem ríktu fyrir raunverulega svona skömmum tíma síðan. Til dæmis fátækt, hungur, hnupl, ómegð, óreglu, uppeldisstefnu, félagsleg úrræði og valdboð.

Athugasemdir

[Óskar Arnórsson, 2.3.2008 kl. 03:28]

Ég var sjálfur sendur í sveit skammt frá Breiðuvík af sama fólki sem vann við að senda börn á svona staði. Þetta sem ég upplifði er ekkert ólíkt því sem talað er um í  Breiðuvík nema ofbeldið var meira sálarlegt og vinnuþrælkun sem bóndinn fékk síðan greitt fyrir frá félagsmálastjórn. Það tók nærri hálfa öld að afgreiða þetta mál svo allir þeir sem komu frá svipuðum níðingsheimilum í þeim tíma, gefa lítið fyrir að tala um það núna. Það er enn verið að níðast á þeim sem lifðu þetta af, því þeir eru flestir á örorku. Það verður síðan bætt eftir tuttugu ár þegar sjórnvöld vakna. Það er dónaskapur að vekja sofandi fólk.

[Nonni (IP-tala skráð) 2.3.2008 kl. 09:25]

Í umræðu um Breiðavíkurmálin hefur lítið eða ekkert verið rætt um þátt ríkiskirkjunnar. Þó blasir við að í þessum þrælabúðum voru barnungir drengir látnir reisa kirkjubyggingu þá sem þar stendur. Sá minnisvarði ætti að næga til að vekja grunsemdir og umræðu um þátttöku ríkiskirkjunnar í þessum níðingsverkum. Starf barnaverndarnefnda hefur á þessum tíma verið samtvinnað starfsemi trúfélagsins (og er enn?)þar sem bæði leikmenn og lærðir voru virkir gerendur í þessum harmleik.

[Magnús V. Skúlason, 2.3.2008 kl. 12:05]

Segir þetta ekki okkur það bara að svo framarlega sem að málið tengist ekki manni með beinum hætti, þá er auðveldara fyrir mann að standa á sama um það?

Sem er auðvitað grátsorglegt og ótrúlegt að svo skuli vera.

En ekki hætta vekja máls á málefnum eins og Breiðavíkurmálinu, það er einmitt þegar það skortir á samkenndina að það þarf að halda kyndlinum á lofti!

[Friðrik Þór Guðmundsson, 2.3.2008 kl. 12:19]

Breiðavíkurmálið tengist öllum sem eru á miðjum aldri eða svo (og eldri). Mörg okkar munum eftir einum eða tveimur drengjum sem sendir voru á vonda staðinn.

Ef fátækur svangur drengur stelur epli til að seðja versta hungrið og yfirvöldin senda hann til togarajaxlsins Þórhalls að læra aga; hver er þá glæpamaðurinn?

[Guðbjörg Erlingsdóttir (IP-tala skráð) 2.3.2008 kl. 12:30]

Það er til dæmis enginn farinn að ræða þau félagslegu gildi sem ríktu fyrir raunverulega svona skömmum tíma síðan. Til dæmis fátækt, hungur, hnupl, ómegð, óreglu, uppeldisstefnu, félagsleg úrræði og valdboð.

Þetta er allt til staðar og í fullu gildi!

Haltu áfram að láta í þér heyra, það ætla ég að gera!

kær kveðja,

Guðbjörg

[Elvar Jakobsson (IP-tala skráð) 4.3.2008 kl. 11:24]

ég er einn af Kumbaravogsbörnunum sem var þar í 6 ár í þrælkun og ég er sá sem kærði barnaníðinginn á síðasti ári, barnaníðinginn sem stundaði sína óheilbrigðis nautn á heimilinu í fjölda mörg ár og er búin að játa gerð sína. Það geta fáir skilið sem ekki hafa lent á svona heimilum eða þurft að alast upp við svona aðstæður, hversu barátta manneskjan gengur í gegn allt sit líf, bara til að þróa smá sjálfsvirðinu og sjálfsálit. Af þrælkunarvinnu sem barn eyðilagðist bakið á mér og er öryrki til eilífðar.

Elvar