Aumingjarnir og nekt þeirra

Að vera góður við aumingja, kallar hann það, sjálfstæðismaðurinn í stól stjórnarformanns opinbera fyrirtækisins Neyðarlínunnar (112), sem lét fyrirtækið og þar með almenning styrkja Flokkinn hans.

Hvað ætli Ásgeir í Goldfinger hafi hugsað þegar hann lét nektardansstaðafyrirtækið Baltik styrkja sama Sjálfstæðisflokkinn um 300 þúsund króna hámarkið? Vera góður við aumingja? Vera góður við greiðvikna? 

Af einhverjum ástæðum sé ég fyrir mér nakta keisara...

Enginn sóttist eftir styrk nema Sjálfstæðisflokkurinn

Athugasemdir

[Halldór Carlsson (IP-tala skráð) 22.3.2009 kl. 01:42]

þessar smáupphæðir eru brandari.

,,kjúklingaskítur".

ég hef á tilfinningunni að þessar fréttir séu klæðskerasaumaðar til að láta líta svo út sem eitthvað raunverulegt ,,opið bókhald" eigi sér stað, - til að láta líta svo út að eitthvert alvöru aðhald sé í gangi gagnvart bókhaldi flokkanna.

raunverulegar sporslur og styrkir eiga sér stað á allt annan hátt hér á landi en með einhverjum ,,óvart" gefnum 300-kalla styrkjum. 

og það er vandi þessa volaða föðurlands míns í hnotskurn -

spillingin er svo rótgróin, styrkirnir, hyglingar, hlunnindin og gjafirnar eru býsna vel falin, jafnvel ósýnileg:

milli fjölskyldumeðlima, innan fyrirtækja, með aðstöðu, ferðum, með afskriftum skulda og á svo mýmargan hátt sem aldrei kemur fram.

íslenska mafían er eitthvað um 2 - 300 manns. erfitt að segja nákvæma tölu. 

það er mafían sem á allt. og kvittar aldrei undir neinar gjafir.  

og gefur aldrei uppi hvernig þeir styrkja sína menn, sem eru í þremur flokkum:

Sjálfstæðisflokki, Framsóknarflokknum og núna líka í Samfylkingunni.

þess vegna verðum við að koma VG að, þó að það þýði kommúníska eftirlits- og forsjárhyggju í minniháttar réttlætismálum (bjórbann osfrv). 

- bara til að brjóta aðeins upp þessa inngrónu spillingu sem hefur teygt sig frá stærstu fyrirtækjum og eignamönnum landsins eins og vafningsviður inn um glugga allra ráðuneyta, alls embættiskerfisins og til fjölda einstaka þingmanna. 

[Friðrik Þór Guðmundsson, 22.3.2009 kl. 02:02]

Eins og ég sagði í fyrri færslu um þessa fyrirtækjastyrki; maður getur bara vonað að þetta sé ekki of fjarri raunveruleikanum.

En Halldór.... VG fær líka peningagjafir frá fyrirtækjum...

http://www.rikisend.is/files/skyrslur_2009/vinstri_graen.pdf 

[JR (IP-tala skráð) 22.3.2009 kl. 02:12]

Hvað er merkilegt við fréttir stjórnmálaflokkanna vegna þessara styrkja ?

Jú, það sem andstæðingar sjálfstæðisflokksins hafa sagt.  Það er að sannast. Gjörspilltir embættismenn í boði sjálfstæðisflokksins sjá ekkert að því að þeir eru að deila úr fjármagni til sjálfstæðisflokksins, sem er ekki í þeirra eigu !

Hvers vegna heldur þú að sjálfstæðisflokkurinn hafi verið svona tregur að sýna bókhaldið ?

Gjörspilltir embættismenn í boði sjálfstæðisflokksins !

[Kjartan Pétur Sigurðsson, 22.3.2009 kl. 07:25]

Það er sjálfsagt mikið til í því sem Halldór Carlsson er að skrifa. Nú væri gaman að blaðamenn tækju þessar "áhugaverðu" athugasemdir og könnuðu málið nánar og helst alla leið.

[Hc (IP-tala skráð) 22.3.2009 kl. 09:48]

auðvitað fær VG styrki frá fyrirtækjum eins og allir aðrir.

en VG hefur ekki setið á valdastóli.

ef VG hefði haft tögl og hagldir eins og xD og xB í áratugi, væru þeir ekkert betri.

það er bara það sem ég er að meina - þó ekki sé nema þess vegna, verðum við að losna við þetta lið sem er með áskrift að spillingu.  

[Friðrik Þór Guðmundsson, 22.3.2009 kl. 14:57]

Vísir, 22. mar. 2009 11:39

Súlukóngur styrkir Sjálfstæðisflokkinn

Súlukóngurinn Ásgeir Þór Davíðsson, eða Geiri á Goldfinger, eins og hann er iðullega kallaður, styrkti Sjálfstæðisflokkinn um þrjúhundruð þúsund krónur fyrir alþingiskosningarnar árið 2007. Það er hæsta mögulega upphæðin sem má gefa stjórnmálaflokki.

Ásgeir gaf peninginn í gegnum eignarhaldsfélagið Baltik sem er í hans eigu og eiginkonu.

Undanfarið hafa stjórnmálaöfl sótt hart að rekstri hans í Kópavogi, en hann rekur fatafellustaðinn Goldfinger í Kópavogi. Núverandi ríkisstjórn hyggst banna nektarstaði.

Ásgeir brást illa við fregnunum í Fréttum stöðar 2 í liðinni viku, en þar gagnrýndi hann ríkisstjórnina harðlega fyrir að kippa stoðum undan atvinnulífinu með þessum hætti.

Þá hafa sveitungar Ásgeirs, í Sjálfstæðisfélaginu Týr, einnig gagnrýnt ákvörðun ríkisstjórnarinnar.