Hrikalegar innanflokkserjur!

Ef rétt er með farið hjá Árna Johnsen - og hefur hann orð pólsks stólpípusérfræðings fyrir því - þá hefur einhver pólitískur andstæðingurinn ástundað það að eitra fyrir honum.

Það gefur augaleið að sá pólitíski andstæðingur hlýtur þá að vera innan hans eigin flokks, þar sem hann er einangraður, ekki vel liðinn og virk fráfæling á atkvæði.

Pólitískir andstæðingar hans úr öðrum flokkum vilja honum vitaskuld ekki svo illt. Þeir vilja hann hressan og yfirlýsingaglaðan í toppslag hjá Sjálfstæðisflokknum, helst leiða lista þeirra. Ég er að tala um "motive" eins og sagt er í lögguþáttunum. Enginn hinna flokkanna "græðir" á forföllum Árna Johnsen. Bara Sjálfstæðisflokkurinn!

Reyndar er möguleiki að þetta tengist ekki pólitík. Kannski samkynhneigðir að verki eða fyrrum samfangar mannsins?

Rétt er líka að minnast á annan læknisfræðilegan möguleika, sem gæti hafa farið framhjá erlendum stólpípusérfræðingi. Að þetta sé sjálfsofnæmi. 

Ég óska Árna svo sannarlega bót meina sinna. Í alvöru talað. Vil hafa hann hressan og yfirlýsingaglaðan slást um og fá fyrsta sætið í Suðurkjördæmi.

DV: Eitrað fyrir Árna Johnsen

Athugasemdir

[Hlédís, 20.2.2009 kl. 11:31]

Sammála, Friðrik, Megi Árni sem lengst halda á lofti merki Flokksins - enda hefur hann gert það með skýrustum hætti allra Flokksfélaga - þó aðrir hafi bara staðið sig nokkuð vel.

[Jónas Egilsson, 20.2.2009 kl. 11:35]

Líttu þér nær félagi Friðrik að samsæiriskenningum.

Hvað með Gunnar Svavars. efsta manna í Suðvesturkjördæmi? Hvað með Ágúst Ólaf, varaformann flokksins? Eru ekki einhverjir fleiri þarna sem eru á leiðinni út vegna foringjans?

Tveir þingmenn gjörsamlega snupraðir af formanni flokksins, formanns sem boðaði fráhvarf frá "foringastjórnmálum" eða eitthvað þess háttar! Eða voru það bara Vinstri grænir!

[Friðrik Þór Guðmundsson, 20.2.2009 kl. 11:46]

Þakka þér fyrir Jónas. Góðir punktar. Ég skal skrifa um Gunnar og Ágúst Ólaf á stundinni, um leið og grunur vaknar um eitrun.

Annars vil ég nefna AFTUR við Jónas að ég er óflokksbundinn. Þessa dagana er ég reyndar að skoða hvort eitthvert vit er í þessari Samstöðu. Einhverjir snupraðir þar

[Magnús Birgisson (IP-tala skráð) 20.2.2009 kl. 11:53]

Já...þetta er spaugilegt. Mér finnst Árni leita langt yfir skammt í leit að samsæriskenningum. Það er miklu líklegra að þetta sé eitthvað í ,,fæðubótarefninu" sem hann hefur ofnæmi fyrir. Nú....eða bara eitthvað sem hann hefur látið ofaní sig um svipað leiti sem hann hefur ofnæmi fyrir.

En að fyrir honum hafi verið eitrað...hlægilegt. Hvað ætli öðrir heimilismenn, sem hafa aðgang að eldhússkápunum, segi um þetta ?

[Jónas Egilsson, 20.2.2009 kl. 12:04]

Gott hjá þér Friðrik Þór.

En mundu samt, það er víðar til eitur en í dósum eða brúsum! Sem stjórnmálafræðingur hefur þú efalaust lesið Furstan eftir Machiavelli, lesið eða séð leikrit Shakepspeare svo dæmi séu tekin höfunda sem fjölluðu um "eitraðar" pólitískar lausnir.

En beðist er velvirðingar á því að hafa ætlað þér setu í Samfylkingunni.

[Gunnar Th. Gunnarsson, 20.2.2009 kl. 12:09]

Friðriki veitist erfitt að þvo af sér Samfylkingarilminn. Sumt er bara svona rosalega "þvott-ekta".

[Friðrik Þór Guðmundsson, 20.2.2009 kl. 12:09]

Ég hef lesið "Valdatafl í Valhöll", Jónas, dugar það?

[Friðrik Þór Guðmundsson, 20.2.2009 kl. 12:15]

Ég er, Gunnar, ekki að reyna að þvo eitt eða neitt af mér. Eða afneita neinu. Ég var í Alþýðuflokknum í eldgamladaga og um skeið var ég í Samfylkingunni (meðan ég var utan blaðamennsku á tímabili). Ég skammast mín ekkert fyrir það. Ég er jafnaðarmaður almennt. En hef verið óflokksbundinn um skeið og ef einhver finnur ilm þá er hann bara í nösunum á þeim sjálfum.

En það er þó allavega "ilmur" - ekki eitraður fnykur.

[DoctorE (IP-tala skráð) 20.2.2009 kl. 12:34]

Þetta var sjálfsofnæmi og ekkert annað ;)

RÚV auglýsir útflutning Jónínu á manna, Árni kemur og segir einhvern Igor segja að það hafi verið eitrað fyrir honum, að aðferðir Jónínu séu bestar.

Witness the future of icelandic health care..... ég bara vona að manninn komi ekki aftur til íslands í formi Prins Póló

[Sigurður Sveinsson, 20.2.2009 kl. 12:52]

Þeir sem láta Jónínu handera sig með stólpípu láta ekki hafa sig að fífli. Þeir eru einfaldlega fífl. Það hefur sannast endanlega með þessum upplýsingum.

[Flosi Kristjánsson, 20.2.2009 kl. 14:02]

Er þessi umræðu ekki lent í djúpum ...., já, þú veist

Flott auglýsing fyrir úthreinsunar-meðferð Jónínu!

[Friðrik Þór Guðmundsson, 20.2.2009 kl. 14:06]

Já einmitt, "auglýsing" fyrir Jónínu.

Hvernig ætli það hafi verið þarna úti þegar þeir voru, saman held ég, allir í detox; Árni Johnsen, Gunnar í Krossinum og Ásgeir Þór Davíðsson "klámbúllukóngur"? Og hvað var gert við eitrið úr þessum mannskap, leyfi ég mér að spyrja!

[DoctorE (IP-tala skráð) 20.2.2009 kl. 14:23]

The freaks will stay together...... say no more.

[Gunnar (IP-tala skráð) 20.2.2009 kl. 14:27]

Þessi smápistill er bara snilld!

Takk,

G.

[Magnús Geir Guðmundsson, 20.2.2009 kl. 14:34]

Haha, bráðskemmtileg umræða og það veit sá sem allt veit, að Árni heldur uppi fjörinu og eiginlega meira en nokkurn tíman á böllum eða á klettinum í Eyjum!

En svo ég taki mér bessaleyfi að svara þér Friðrik Þór, þá hljóta svínin að hafa fengið "krásirnar" í sunnudagsmat, hvað annað!?

það er hins vegar nokk svo fyndið þegar ýmsir detta hérna inn og blaðra fjálglega um annara manna "hreingerningu" en hirða lítt um "eigin skít" né víla fyrir sér að troða honum upp á aðra!

[Tjörvi Dýrfjörð, 20.2.2009 kl. 14:38]

Ég mátti til að senda þér hugrenningar mínar um þetta efni.

Jón Baldvin lagði til að Sjálfstæðisflokkurinn í heild sinni færi norður á Mývatn með Jónínu Ben í detox meðferð sem hún er að byrja með þar. Spurning hvort Árni J, Hannes Hólmsteinn og fleiri kúkalabbar verði skildir eftir þar að lokinni afeitrun. Ég vona bara að Mývetningar eigi nógu góðar rotþrær til að taka við þessum baneitraða saur sem vonandi skolar sér niður úr ristli Sjálfstæðisflokksins.

[Gunnar Th. Gunnarsson, 20.2.2009 kl. 15:03]

Sverrir Hermannsson talaði eitt sinn um "Óðs manns skít". Úrgangurinn úr þessu klani í Póllandi gæti hafa verið eitthvað í ætt við skít Sverris.

Annars hljómar þetta eins og byrjun á frábærum brandara:

Eitt sinn komu Gunnar í Krossinum, Árni Johnsen og Geiri "Goldfinger" til Jónínu í Detoxun....... hahaha, ég skellihlæ en veit þó ekkert hvernig brandarinn endar.... hahaha

[DoctorE (IP-tala skráð) 20.2.2009 kl. 15:22]

Þegar ég las á visir.is að Geiri hefði fundið "Heita strauma" koma frá Gunnari á Krossinum... well ég ætla ekki að segja hvað ég hugsaði :)

[Hlédís, 20.2.2009 kl. 16:12]

Gunnar Th.! Svona brandarar eru einmitt svo góðir. Má botna eftir smekk   

[Ben.Ax. (Benedikt Jóhannes Axelsson), 20.2.2009 kl. 17:12]

Með eitrað geð og göngumóður,

gaman tók að kárna.

Dæmalaust var drottinn góður

að dítoxa hann Árna.

[Alma Jenny Guðmundsdóttir, 20.2.2009 kl. 17:22]

Höldum áfram á þessari braut!!!!

Hafa gaman af þessu líka.

Ég sá orðið Frjálshyggju-prump í dag á einu blogginu.  Dásamlegt orð!

Blaðamenn og fleiri hafa verið að lenda í baneitruðum aðgerðum Pútíns bæði í Rússía og annars staðar.

Það skyldi þó ekki vera að Árni væri að lenda í einhverjum Pútínum hér.  Það hefur nú svosum verið fjallað um það í fjölmiðlum hérlendis sem og erlendis að eitthvað muni um mafískar þvottavélar hér á landi.  Skyldi Árni hafa lent í klónum á þeim sem þekkja bæði réttu þvottavélategundirnar og þvottaefnið!

[Friðrik Þór Guðmundsson, 20.2.2009 kl. 17:39]

Takk fyrir vísuna Ben. Ég íhuga mótleik og er að velkjast um með möguleikann á að bæta Nesa við í hópinn...

[Hlédís, 20.2.2009 kl. 18:51]

Detox-ið er afeitrunar-meðferð.  Miðað við aldur, IQ og fyrri störf fórnarlambsins, gæti undirrituð trúað að hér væru á ferðinni tungumálaerfiðleikar! Auðvitað er kúnnum í slíkri meðferð sagt að eitrað hafi verið fyrir þeim - af þeim sjálfum og öðrum!

Hygg að viðkomandi hefði verið "tekinn út" á einfaldari og öruggari hátt,  hefði guðfeðrum þótt nauðsyn á því

[Malína (IP-tala skráð) 20.2.2009 kl. 19:39]

"Hvernig ætli það hafi verið þarna úti þegar þeir voru, saman held ég, allir í detox; Árni Johnsen, Gunnar í Krossinum og Ásgeir Þór Davíðsson "klámbúllukóngur"?"

Varúð!  Þetta kallast "geislavirkur úrgangur".

[Brynjar Jóhannsson, 20.2.2009 kl. 20:10]

Ég myndi halda að TÓNLISTARMENN væru fyrstir grunaðir um að eitra fyrir þessum þriggja hljóma gutlara.  miðað við ofbeldið sem ég hef fengið að heyra sem hann hefur beitt á mörgum tónlistarmannium á þjóðhátíð.

[DoctorE (IP-tala skráð) 20.2.2009 kl. 20:33]

Miðað við allar sögurnar af kraftaverkalækninum með stólpípu... Jónína sagði á blogginu fyrir nokkru að það væri hægt að loka lyfjafyrirtækjum og alles.
Gunnar á krossinum treystir ekki á lækningu Sússa, hann fer til Jónínu ... sem er magnað miðað við fóbíu hans á bakendum karla..
Kæmi mér ekki á óvart ef Jónína kæmi fram á Omega, læknaði fólk live á svona samkomu, hún gæti notað sviðsnafnið Jesúína Hinn eða eitthvað í þá áttina.
Djúpsyndahreinsun fyrir Sússa

[Hlédís, 20.2.2009 kl. 21:06]

Ofbeldi á sér margar birtingarmyndir. Mikið vildi undirrituð Ekki vita af því sem nú þegar viðgengst á ÍSLANDI! það er svo MIKLU VERRA en flestir vilja horfast í augu við. Ekki bara Flokkurinn Eini  - heldur líka glæpamenn af ýmsu tagi, vaða uppi.

[Friðrik Þór Guðmundsson, 20.2.2009 kl. 21:33]

Tók út eina athugasemd, frá Malínu (seinni). Ég nefni háttvísi í haus bloggsins og þó það sé gaman þá eru grensur. Ég tók líka út einn one-line-er frá mér.

[DoctorE (IP-tala skráð) 20.2.2009 kl. 21:34]

Það versta er að flestir ef ekki allir þessir glæpamenn eru vitleysingar ... flokkar af vitleysingum sem ... hvað.... við ætlum að fara að kjósa um aftur.
Ég sé the same shit all over, bara aðrar umbúðir.... ég er orðin leiður á að velja umbúðir sem mér finnst minnst ljótar

[Malína (IP-tala skráð) 20.2.2009 kl. 21:35]

[Sæmundur Bjarnason, 20.2.2009 kl. 21:40]

Eitur fékk hann Árni Sen
án þess þó að lagast.
Norður fór með Nínu Ben.
Nett þar átti að "magast".

[Ásthildur Cesil Þórðardóttir, 20.2.2009 kl. 23:53]

Ég get svo svarið það, þið eruð að drepa mig.................... úr hlátri einum saman

[Jón Baldur Lorange, 20.2.2009 kl. 23:55]

Friðrik Þór, aðgát skal höfð í nærveru sálar. Gleðjumst ekki yfir óförum annarra. Árni Johnsen kann að hnýta hnúta sína öðruvísi en við flest en ég er viss um að hann er hin besta sál og vill öllum vel.

[Dexter Morgan, 20.2.2009 kl. 23:55]

Þetta er nú einhver lélegasti PR brandari allra tíma. Árni hélt að hann gæti fengið "samúðaratkvæði" út á þetta. Og náð inn á þing, enn og aftur.  En ætli hann hafi ekki bara keypt einn kút af fæðubótarefni af honum Ólafi Ragnar (í Næturvaktinni), og í staðin fyrir að "lakdósa" fór hann að "díktósa, eða eitthvað svoleiðis.

[Ragnhildur Kolka, 21.2.2009 kl. 00:03]

Þessi umræða hefur algerlega farið úr böndunum. Eru allir búnir að gleyma "the usual suspect"?

[Sólveig Þóra Jónsdóttir, 21.2.2009 kl. 00:56]

Lengi skal mannin reyna. Það er dapurlegt að lesa þessi comment. Og comment yfirhöfuð á blogginu. Hér á blogginu leysa allir út úr sína skítlega eðli. Or Not.

[Jónas Egilsson, 21.2.2009 kl. 01:01]

Þú ert gífurlega vinsæll bloggari Friðrik Þór.

Anders Hansen og Hreinn Loftsson voru ekki til prófs í minni stjórnmálafræði a.m.k. svo ég geri ekki ráð fyrir að Valdataflið sé tæmandi bók á þessu sviði.

En eitrið er þarna víðar, eins og áður sagði. Gunnar og Ágúst Ólafur fengu sína skammta greinilega, þótt þeir biðu ekki líkamlegt tjón af.

[Friðrik Þór Guðmundsson, 21.2.2009 kl. 02:15]

Ekki finnst mér ég hafa sjálfur gengið of langt, Jón (BL) en á erfitt með að hefta það sem fólk segir hér undir sínu nafni. Ég er krítískastur á nafnlaus komment.

En ég meina það sem ég sagði um Árna: "Ég óska Árna svo sannarlega bót meina sinna. Í alvöru talað. Vil hafa hann hressan og yfirlýsingaglaðan slást um og fá fyrsta sætið í Suðurkjördæmi".

Það er beinlínis rangt að kenna þessa tilteknu umræðu við skítlegt eðli, Sólveig Þóra. Mest er þetta létt írónía í kringum sviðsetningu, þar sem öll eru komin á einn stað saman; Árni Johnsen, Gunnar í Krossinum, Geiri Goldfinger og Jónína Ben. Þarna eru saman komin í einn "pakka" fjórir einstaklingar sem hnýta hnúta sína öðruvísi en við flest og úr verður þjóðsögublanda, líkingamál og ljóð.

Jónas; Eitrið sem þú ert að vísa til er vissulega alls staðar. Pólitískt eitur er þverpólitískt. Ég veit það.