Ef Guðni fer þá er Valgerði ekki sætt

 

Það einfaldlega gengur ekki upp að Guðni Ágústsson segi af sér sem formaður Framsóknarflokksins og þingmaður hans en Valgerður láti eins og ekkert hafi í skorist. Afsögn hennar hlýtur að fylgja í kjölfarið. Það er einfaldlega út í hött að hún verði "verðlaunuð" með formannsstólnum.

Guðna og Valgerði mistókst í sameiningu að halda flokknum í einingu og þau bera í sameiningu ábyrgð á örfylgi flokksins og þau bera í sameiningu ábyrgð á afleiðingum gjörða síðustu ríkisstjórna á undan þeirri yfirstandandi. Sú ábyrgð er gríðarleg og þar er ábyrgð Valgerðar enn meiri en ábyrgð Guðna, sem þó var bara landbúnaðarráðherra, en Valgerður ráðherra bankamála.

Bara sorrý - ef Guðni fer þá hlýtur Valgerður að fara.

Guðni segir af sér þingmennsku

Athugasemdir

[Gullvagninn (IP-tala skráð) 17.11.2008 kl. 17:39]

sammála, Guðni skoraði stig hjá mér við þetta, ekki það að ég vilji hann eða annað lið sem nú situr á þingi aftur, þau hafa öll brugðist okkur með stórslysalegum hætti, við skiljum það ekki einu sinni ennþá hversu alvarlegt þetta allt er.

[Hallgerður Pétursdóttir (IP-tala skráð) 17.11.2008 kl. 17:40]

látum okkur dreyma kerlingin situr áfram eins og enginn sé morgundagurinn spilling? nei er það nokkuð.

[Jón Steinar Ragnarsson, 17.11.2008 kl. 17:45]

Hún kom alveg af fjöllum. Yeah right.  Er með kenningu um framhaldið á mínu bloggi.

[Lára Hanna Einarsdóttir, 17.11.2008 kl. 18:22]

Þetta er alveg hárrétt ályktun hjá þér - er nokkuð augljóst.

[Helga (IP-tala skráð) 17.11.2008 kl. 20:14]

Valgerður er blind á sjálfa sig. Hún mun aldrei segja af sér. En það er ekki útilokað að það sé hægt að láta hana fara. Þá verður spunnin saga um að hún sé að hliðra til fyrir nýju og ungu fólki. Það er bráðnauðsynlegt að þeir þingmenn sem bera sök fari af þingi svo hægt sé að sækja þá til saka fyrir spillingu og afglöp í starfi.

[Friðrik Þór Guðmundsson, 17.11.2008 kl. 20:42]

Í Kastljósi áðan varði Valgerður söluformið, en viðurkenndi hins vegar að spyrja mætti hvort yfirhöfuð hafi átt að selja bankana. En það er fleira sem spilar inn í og þannig bar Helga Seljan ekki gæfu til að spyrja um afnám bindiskyldunnar. Og auðvitað blasir við hverjum manni að eftirlitið með bankastarfseminni, af hálfu Seðlabankans og FME var í skötulíki (en þá beinast böndin ekki síður að núverandi ríkisstjórn).

Hvað fyrri ríkisstjórn varðar þá var ofar á lista stjórnvalda að Sjálfstæðisflokkurinn fengi að úthluta Landsbankanum og Framsóknarflokkurinn Búnaðarbankanum. Klassísk helmingaskipti. Og enginn hefur því miður enn spurt hvort staðan væri ekki önnur ef bindiskyldan hefði ekki verið afnumin eða a.m.k. eitthvað nothæft af henni skilin eftir.

Það stendur því óhaggað eftir, að ef Guðna er ekki sætt þá er Valgerði ekki sætt. Ábyrgð þeirra tveggja er hið minnsta jöfn en ábyrgð Valgerðar að líkindum meiri.

Hvað Pál Magnússon varðar þá liggur fyrir að hann var aðstoðarmaður Valgerðar (jú, jú, bæði sem bankamála- OG iðnaðarráðherra (af því hún var jú stödd fyrir austan)).  Hann aðstoðaði hana við að ákveða og framkvæma það sem illa fór.

[Kristján H Theódórsson, 17.11.2008 kl. 23:11]

Varla er það heldur vegsauki fyrir Valgerði að hafa átt setu í sjálfskipuðu fulltrúaráði Samvinnutrygginga ásamt fleiri vafagemlingum og s.s. Finni Ingólfssyni og ef ég man rétt, Hauki Halldórssyni ,nýskipuðum bankaráðsfulltrúa Framsóknarflokksins í bankaráði Nýja Landsbankans.

 Leiðrétti mig einhver ef rangt er munað!

 Hið sjálfskipaða fulltrúaráð hefur nú líklega komið fyrir kattarnef u.þ.bil 30 milljarða sjóði sem taldist eign trygginartaka Samvinnutrygginga gegnum tíðina.

Verður hún trúverðugur formaður Íslensks stjórnmálaflokks?

Sennilega bara skv. hefðinni!

[Viðskrifarinn (IP-tala skráð) 17.11.2008 kl. 23:59]

Liðast flokkurinn ekki sundur og fyrrum meðlimir fara hingað og þangað .... eftir Evrópusambandssannfæringu sinni !

[Nína S (IP-tala skráð) 18.11.2008 kl. 00:40]

Jamm, hugsa að með sama áframhaldi leggist Framsóknarflokkurinn af.

[Friðrik Þór Guðmundsson, 18.11.2008 kl. 00:54]

Ég er að hugsa um að draga aðeins í land. Úr þessu er kannski réttlætanlegt að Valgerður stýri flokknum til flokksþings í janúar. Hví ekki!?

[Dóra, 18.11.2008 kl. 08:35]

Hef nú trú á að það eigi eftir að hverfa fleiri fyrir jól....

Kærleiksknús til þín  frá Esbjerg Dóra