Sannleikurinn og lygin

 

Í bili segi ég bara þetta: Sannleikurinn liggur sjálfsagt mitt á milli lyga Björgólfs og lyga Davíðs.

Frekari skoðunar er þörf!

Misráðin ákvörðun sem endaði með skelfingu

Athugasemdir

[Hólmdís Hjartardóttir, 27.10.2008 kl. 21:02]

ÞÚ HEFUR ÖRUGGLEGA RÉTT FYRIR ÞÉR

[Æsir (IP-tala skráð) 27.10.2008 kl. 21:06]

Ekki er hægt að segja Sannleikann

það er bara Hægt að Upplifa hann

Ég er búinn að Upplifa hann núna.

Ég kenni um Sjálfstæðisflokki og Samfylkingu

kveðja

[Davíð H G (IP-tala skráð) 27.10.2008 kl. 21:15]

verð nú að segja að ég trúi Bjögga frekar þar sem hann er ekki sá eini sem bendir á að seðlabanki og ríkisstjórn hafi gert mistök þeir eru orðnir margir hagfræðingar og fjármálaspekúlantar sem hafa bent á það Það þarf að skipta um í brúnni fá nýtt fólk inn Hverja, sé það nú ekki í fljótu bragði

[Arnar (IP-tala skráð) 27.10.2008 kl. 21:35]

Það getur varla verið mjög flókið að grafast fyrir um það hver vissi hvað á hvaða tíma.

Í fyrsta lagi eru væntanlega til samskipti breska fjármálaeftirlitsins við Landsbankann og fjármálaeftirlitið á Íslandi um Icesave mál. Þau mætti leggja fram.

Í öðru lagi er hægt að fá staðfestingu á því hjá yfirmanni breska fjármálaeftirlitsins á hvaða tímapunkti eftirlitið tók þá ákvörðun að opna á flýtimeðferð á flutningi Icesave, gegn hvaða tryggingum og hvenær þetta var tilkynnt Landsbankamönnum.

Í þriðja er augljóst að fáist slík staðfesting hjá breska fjármálaeftirlitinu þá er um leið fullkomlega fráleitt að telja að Landsbankamenn hefðu ekki gert allt sem þeir gátu til að kynna málið fyrir Seðlabanka og forsætisráðherra. Það hefði unnið gegn þeirra eigin hagsmunum að leyna sjálfum meginrökunum fyrir því að fá fyrirgreiðsluna.

Í fjórða lagi þarf að fara yfir hverjir voru hvar að funda og á hvaða tíma þessa helgi og mánudagsmorgun auk þess að athuga með símtalaskrár til að fá staðfestinga á því hverjir voru að tala saman og á hvaða tíma. Loks má skoða hvað af þeim símum sem notaðir voru til samskipta voru með upptökum og birta þær þá í heild með sama hætti og samtal Árna Matt og Darling.

Í fimmta lagi var það hópur manna sem kemur að málinu. Ræða þarf við hann allan og bera framburð saman við önnur gögn, svo sem ummæli Darlings um 200 milljónirnar sem Árni Matt vissi a.m.k. um í því símtali þótt Geir segist nú ekkert vita.

Þetta mál er einfaldlega af þeirri stærðargráðu fyrir þjóðarbúið og börnin okkar um langa framtíð að því getur ekki lokið með loðinni yfirlýsingu Seðlabankans, óljósum ummælum forsætisráðherra og "hann sagði"/"hún sagði" stagli nokkra fréttatíma í röð. Hér þarf rannsókn og ef ekki formlega þá a.m.k. vandaða rannsóknablaðamennsku sem leggur öll gögn á borðið.

[Friðrik Þór Guðmundsson, 27.10.2008 kl. 21:43]

Varla verið flókið!! Þú hefur að nær öllu leiti rétt fyrir þér nema að þetta sé ekki flókið!

Þarna talar þú um gögn og framburð hjá bönkum og Fjármálaeftirliti sem háð eru þagnarskyldu og trúnaði öðrum. Ekki er hægt að biðja um þessi gögn með vísan til upplýsingalaga. Því þarf líkast til "whistle-blower" eða að leyndinni verði formlega aflétt. Þetta gildir um item 1-3 hjá þér.

Full þörf er á rannsóknarblaðamennsku, rétt er það.  Og málið er einmitt af slíkri stærðargráðu að það þarf opinbera rannsókn sem hafin er yfir vafa - til þess þarf að leiða hana óumdeildur erlendur sérfræðingur (bæði lögreglurannsókn og hvítbókarrannsókn). Þess utan ætti að sjónvarpa yfirheyrslum frá rannsóknarnefnd þingsins.

[Viðskrifarinn (IP-tala skráð) 27.10.2008 kl. 22:02]

Hvernig getur Friðrik Þór sagt að Davíð hafi logið?

Væri ekki öllum til góðs ef einhverjir lyga Davíðs yrðu taldir upp hér einföldum til hjálpar og skilnings?

Reyndar skiptir þetta í raun ekki miklu máli - af landi þessu verðu nú sjálfflutt og fólki líklega fyrir bestu. 

[Sævar Einarsson, 27.10.2008 kl. 22:31]

Sjálfstæðisflokkur og Seðlabankinn bera fulla ábyrgð á öllu þessu og skal því axla þá ábyrgð fyrir almenningi og segja af sér eða verða leyst upp frá störfum. Það er hrikalega ömurlegt og hreinlega glæpsamlegt að heyra hverju var þagað yfir fyrir þegnum þessa lands og allar þær aðvaranir sem Ríkisstjórnin og Seðlabankinn voru ítrekuð vöruð við en kusu að hundsa þær aðvaranir, allan þennan tíma sagði Geir að hér væri allt í himnalagi, mér er spurn, fékk hann BA-prófið í hagfræði frá Brandeis-háskólanum í Bandaríkjunum og MA-prófð í hagfræði frá Minnesota-háskóla í Bandaríkjunum í pókerspili ?

— ICELAND'S MOST WANTED —

GORDON BROWN

Wanted, alive and preferably in working order - for treason and severe plotting against the innocent Icelandic nation. Also wanted for sheep theft, tekið héðan  en myndin er ekki sú sama.

Er að skipuleggja aðgerðina "Víkingur Delta 2" "Operation Viking Delta 2"  Endilega ef þú getur að aðstoðað mig með því að smella á linkinn hér fyrir ofan og tilgreina í hvaða hryðjuverkastétt þú ert í, með fyrirfram þökk. Sævarinn hryðjuverkaatvinnulausi.

[Bárður R. Jónsson (IP-tala skráð) 27.10.2008 kl. 23:16]

Á ekki að vera nóg að líta til verka þessara manna? Á að trúa því sem þeir segja hver um annan? Varla að ég þori að taka mér klisjuna í munn: Ekki benda á mig...

Var ekki farið í markaðsátak með Icesave-reikningana þegar allir topparnir vissu hvert stefndi? Þeir stærðu sig meira að segja af því hve sniðug þessi viðskiptahugmynd væri og höfundunum að henni voru greiddar tugir milljóna í uppbótargreiðslur, svokallaða bónusa (bara að það orð hefði aldrei ratað inn í íslensku). Nú kenna þeir öðrum um; stóðu að glæpsamlegu athæfi, að hafa sparifé af fólki og kenna því svo sjálfu um hvernig komið er. Nei, í rannsókn með málið; það hljóta lög að ná yfir þetta.

[sigurvin (IP-tala skráð) 27.10.2008 kl. 23:23]

Landsbankinn hafði lofað breskum yfirvöldum 200m pundum!! Hvenær? Á fundinum í byrjun sept þar sem Björgvin viðskiptarárherra var? Ef svo er - sem ætla má útfrá símtalinu fræga - þá hefur íslenskum yfirvöldum verið kunnugt um að það þyrfti "bara" 200m pund til að losna við allan isesave pakkann.

Hversvegna sótti Landsbankinn ekki um lánið til SÍ fyrr en rúmum mánuði síðar? (eftir að búið var að "afgreiða" Glitni) og þá með e.k. skyndimeðferð. - Eða fjármagnaði þessa tryggingu á annan hátt?

Getur verið að íslensk yfirvöld hafi lengi reynt að "neyða" Lsb til að fara með starfsemina úr útibúum og í dótturfélag, en bankinn hafi þráast við fram á síðustu stundu (orðið of seint), vegna þess að breytingin þjónaði ekki hagsmunum bankans eða eigendum hans?

[Friðrik Þór Guðmundsson, 28.10.2008 kl. 10:12]

Nú hefur Kastljós birt þetta bréf sem fjármálaráðherra talaði um þegar hann ræddi við Darling í símann. Það er ekki merkilegt; mjög almennt orðaður "stuðningur" við bakið á bankanum en ekkert loforð um eitt né neitt og engin upphæð nefnd.

Ég fæ ekki betur séð en að menn hafi komist að þeirri niðurstöðu að bankanum væri ekki við bjargandi, að allt bankakerfið væri að hrynja og að best væri að láta Bjöggana lönd og leið með sitt loforð við Bretana og reyna að losna við þessi útgjöld með öðrum hætti, þ.e. beitingu neyðarsjónarmiða fyrir því að ríkinu bæri bara lítill hluti af ábyrgðarskuldbindingunum í Bretlandi.

Að því kunna Bretar að hafa haft rétt fyrir sér eða nóg til að reiðast, en þeir höfðu samt ekkert í höndunum sem réttlætti hin ofsafengnu viðbrögð; beitingu hryðjuverkalagnna og kafsiglingu Kaupþings.

Hangir þá á spýtunni hvað við munum borga upp í þessar Bresku innistæður. Landsbankinn vildi 200 milljónir punda vegna Bretareikninganna en samtals fyrirgreiðslu upp á rúmar 500 milljónir punda, sýnist mér. Ísland beitir neyðarsjónarmiðum og hugsunin væntanlega að  lenda vel undir þessum upphæðum.

[sandkassi (IP-tala skráð) 28.10.2008 kl. 12:20]

Strákurinn kom vel út úr þessu viðtali enda hefur hann alltaf verið góður strákur. Ég hitti hann og kynntist aðeins í kringum 1991 og hann hefur eins og allir góðir menn, ekkert breyst.

Hann á vissulega langt í land að vinna úr vonbrigðum sínum yfir því hvernig fór með bankann en það er eðlilegt. Hvað varðar synjun Seðlabankans um fjárstuðning við bankann þá eru það vissulega hans rök í málinu. Mín skoðun er aftur á móti að önnur rök séu þeim yfirsterkari og að ekki hafi verið gerandi að fara í þessa aðgerð.

Málið er flókið og engin sérstök ástæða til að ókvæðast út í piltinn. Ég hef aldrei sett hann á pall með kónum eins og Baugsmönnum t.d. og mun aldrei gera það.

Einnig verð ég að lýsa ánægju minni með Kompásmenn (enn einu sinni). Þeir unnu málið vel og eftir aðstæðum.

[Friðrik Þór Guðmundsson, 28.10.2008 kl. 15:35]

"...engin sérstök ástæða til að ókvæðast út í piltinn"!

Sorrý Gunnar, þótt þú hafir kynnst honum lítillega fyrir 17 árum þá skamma ég "piltinn" eins og mig lystir. Litli "pilturinn" er u.þ.b 300. ríkasti einstaklingur heims og pilsfaldakapítalisma-óskin hans til til Seðlabanka (skattgreiðenda) samsvarar einum tíunda af áætluðum eignum hans. Af hverju gerði hann þetta ekki sjálfur? Af hverju fór hann ekki með "fimmföldu" ábyrgðirnar og fékk lán hjá Bretunum? Þessi prýðispiltur? Þessa spurningu vantaði í annars góðan Kompás-þátt.

[sandkassi (IP-tala skráð) 28.10.2008 kl. 18:05]

Þú mátt alveg skammast og eru þetta allt réttmætar spurningar. Ég vil líka fá þessi svör.

[Rýnir, 29.10.2008 kl. 00:28]

Sælt veri fólkið,

Ég held við ættum kannski að fara dálítið varlega í að fullyrða um að menn hafi beinlínis logið vísvitandi. Sýn manna getur oft verið mismunandi og sérstaklega í eins hraðri atburðarrás og hefur verið. Það er án efa mjög margt sem á eftir að koma upp á yfirborðið sem við vitum ekkert um.

Tók annars eftir því að Viðskrifarinn minnist á að taka saman “einhverjar af lygum Davíð”. Þann lista gæti verið áhugavert að skoða ef hann væri faglega unninn og mark á takandi. Það mætti kannski skoða eitthvað af þeim atriðum sem ég hef tekið saman á minni síðu: http://rynir.blog.is/blog/rynir/ 

Góðar kveðjur,

[sandkassi (IP-tala skráð) 29.10.2008 kl. 00:43]

Sæll Rýnir, er búin að lesa 2 pistla og (með fyrirvara um frekari lesningu) er hrifinn af framtaki þínu. Ég er orðinn mjög leiður á gjörsamlega órökstuddri gagnrýni á Davíð Oddsson.

Í dag heyrði ég útvarpskonu segja að "Davíð myndi líklega ekki þora að láta sjá sig í mótmælunum niðrí bæ þar sem hann yrði líklega grýttur."

ok, mér er nóg boðið. Ég skora á fólk að hætta þessum ofsóknum á hendur Davíðs Oddssonar. Þetta er ómaklegt.

[Níels Steinar Jónsson, 29.10.2008 kl. 09:46]

Ef menn líta nú yfir sviðið , er hugsanlegt að þetta sé einfaldlega skipulagt ? . 'Eg trúi ekki  að menn hafa verið svo blindir að sjá ekki hvert stefndi. Og hverjir eru í aðalhlutverki ?. Þeir sem mistu tökin á einkavæðingunni. Þeir horfðu á eftir góðbitunum úr hendi sér í ranga aðila og hafa ákveðið að við tækifæri næðu þeir því aftur. Og svo kom tækifærið. Nú er framtíð bankana í höndum sjálfstæðisfloksins eins og áður. Þeir ráða þá sem þeim þóknast og ætla að ráðstafa þessum eignum eftir hentugleika. Þeir trúa því að þeir verði við völd áfram því sagan segir að fólk kýs sjálsftæðisflokkinn af því það hefur alltaf gert það. Við erum að horfa á leikrit þar sem atburðarásinni er hagrætt. Það er nú einu sinni þannig að í öllum stóratburðum sögunar hefur almenningur verið fóðraður á því sem henntar stjórnvöldum. Svo hefur hið sanna kannski síast út að einhverju leyti 50 árum seinna.

Hér voga stjórnmálamenn sér að gera lítið úr því að menn séu að leita sannleikans, svara spurningum fréttamanna með hroka og yfirlæti, svara ekki spurningum sem þjóðin á rétt á að fá svör við. Svo finnst mönnum það flott hvernig þessir menn svara fyrir sig. Fólk eigi ekki að vera að flækjast fyrir vinandi mönnum. 

 Nú eiga blaðamenn þessarar þjóðar að gera áhlaup á þessa menn alla og linna ekki látum fyrr en hið sanna kemur í ljós. Það þarf að taka til hér. Ef það dugar ekki þá á þingið að skipa rannsóknarnefnd sem kallar alla hlutaðeigandi fyrir og þeir geta ekki skorast undan því. Opinber réttahöld þar sem menn verða að svara kjósendum þessa lands hvað eiginlega sé í gangi. Ef þingið er ekki tilbúið til þess , nú þá vitum við að það er eitthvað að.