Breiðavík IX: Borgin sendir skilaboð

Borgarráð hefur sent Breiðavíkursamtökunum, samfélaginu öllu og kannski ekki síst öðrum sveitarfélögum, skýr skilaboð um gildi og mikilvægi Breiðavíkurskýrslunnar. Borgin lofar samráði og ætlar að líta í eigin barm og ætlar að læra af mistökum fortíðarinnar; skoða syndir feðranna og læra af þeim.

Ekki minnsta ákvörðun borgarinnar nú lýtur að því að skoða þau úrræði sem í gangi eru í dag, væntanlega til að ganga úr skugga um að allt sé í raun í lagi og ekkert það ástundað á vist-, fóstur- og meðferðarheimilum sem ekki á þar heima. Maður leyfir sér að trúa því að samfélagið sé betra í dag en fyrir nokkrum áratugum á þessum sviðum, en maður veit aldrei. Kannski er alltaf eitthvað á gráu svæði og sumt á svörtu.

Breiðavíkursamtökin hljóta auðvitað að fagna samþykkt borgarráðs. En um leið þurfa samtökin að gera upp hug sinn varðandi hlutverk þeirra í framtíðinni.  Verða þau raunveruleg regnbogasamtök utan um hugsanlega þolendur á öllum vistheimilum fyrri tíma eða lúta þau að Breiðavík eingöngu? Ætla samtökin sér annað og meira en hingað til hefur fram komið og ræða nú fyrst og fremst um skaðabætur eða ætla þau að vera sáluhjálparsamtök innávið og hagsmunagæslusamtök út á við fyrir börn sem búa við inngrip barnaverndaryfirvalda? Það er margt að spá í.

Samráð haft við Breiðavíkursamtökin

Athugasemdir

[Guðrún Magnea Helgadóttir, 6.3.2008 kl. 20:07]

www.simnet.com/lillokristin. Reyndi að senda þér póst en tókst [e-mail]

[Konráð Ragnarsso (IP-tala skráð) 7.3.2008 kl. 01:17]

Það er skýrt hver tilgangur félagsins er.Hér að neðan er úrdráttur úr lögum félagsins.

Ég tel að Breiðavíkursamtökin og félagsmenn þess hafi brotið blað í sögu barnaverndar á Íslandi með umfjöllun sinni á málum svo kölluðum "vandræðabarna" fyrir 40-50 árum,sem aftur hefur vakið athygli og endurskoðun fólks á barnaverndmálum í dag.

Þannig að með umfjöllun vistmanna í Breiðavík og annarra upptökuheimila á reynslu sinni og "Breiðavíkurskýrslan" þá er verið að vinna forvarnastarf fyrir börn sem gætu verið í svipuðu málum í dag eða börnum sem væntanlega yrðu vistuð í framtíðinni á heimilum á vegum hins opinbera.

Nýjasta í þeim málum er að það á að draga stórlega út slíkum úræðum í framtíðinni.

Þó að Breiðavíkmálið sé og er miðpunkturinn í þessari umfjöllun (sem kannski var tilviljun), þá þýðir það ekki að önnur heimili hafi gleymst eða verið sniðgengin,Breiðavíkumálið mun að öllum líkindum verða samnefnari fyrir öll þau mistök sem yfirvöld gerðu í barnaverndarmálum á þessum tíma og er það eingöngu vegna þeirra athygli sem heimilið fékk í byrjun.Önnur heimli eru og munu njóta góðs af niðurstöðum þess máls.

Margir drengjana úr Breiðavík voru einnig vistaðir á öðrum heimilum.

Þó að athyglin í dag sé mikil á væntanlegar miskabætur frá ríkinu hjá Breiðavíkurdrengjunum finnst mér óþarfi að væna menn um græðgi eða eiginhagsmuni.Við höfum beðið 40-50 ár eftir að fá uppreisn æru vegna óréttlætis og hluti af því eru miskabætur en ég vil minni á, að það er bara einn hluti af málinu.Ég held að menn verði að sjá heildarmyndina af þessu máli.en ekki vera draga einstaka þætti út og gera þá tortryggileg.

Virðingarfyllst,

Konráð Ragnarsson

Stjórnarmaður Breiðavíkursamtakanna.

ÚRDRÁTTUR ÚR LÖGUM BREIÐAVÍKURSAMTAKANNA.

3gr.

Tilgangur samtakanna er að vera málsvari og hagsmunasamtök fólks sem vistað var á vegum hins opinbera á upptökuheimilum og öðrum sambærilegum stofnunum á árinum 1950-1980 og beita sér fyrir forvarnar og fræðslustarfi gegn ofbeldi af öllu tagi á börnum á fósturheimilum.

4gr.

Tilgangi sínum hyggjast samtökin ná með því að styðja félagsmenn og halda uppi markvissu forvarnar- og fræðslustarfi .

[Júlíus Valsson, 7.3.2008 kl. 08:22]

Þrát fyrir allan fagurgala fær skólakerfið okkar þvi miður falleinkum. Það er enn í dag verið að brjóta niður einstaklinga með námserfiðleika og þroskafrávik í grunnskólum landsins. Því miður. Þeir eru skammaðir, reknir út úr tímum, þeir lenda í einelti og sjálfstraust þeirra er brotið niður stundum með skipulögðum hætti. Kunnáttuleysið og úrræðaleysið í skólakerfinu er okkur til háborinnar skammar. Fangelsin og meðferðarstofnanir landsins eru full af einstaklingum með námsörðugleika. Svo eru menn að furða sig á því að börn unglingar sæki í óreglu og fari á refilstigu. Við þurfun að byrja á byrjuninni og huga að grasrótinni, þar sem vandamálin hefjast.  Það er alltof seint að bregðast við þegar einsaklingurinn hefur misst trúna á umhverfi sitt og er kominn út í horn vegna andstöðu sinnar út í allt og alla. 

[Júlíus Valsson, 7.3.2008 kl. 08:32]

Afsakaðu stafsetninguna, klístrað lyklaborð

[Jóhanna Guðrún Agnarsdóttir (IP-tala skráð) 7.3.2008 kl. 11:56]

Hafi einhverjum dottið í hug að Breiðavíkursamtökin hafi verið stofnuð til að hala inn fé fyrir félagsmenn þá er sá hinn sami á villigötum í þessari umræðu og ætti að sjá sóma sinn í því að kynna sér málin áður en slíkt er sett á prent.

Til að upplýsa þá er slíkt hugsa að þá eru samtökin stofnuð af fólki er vistuð voru af hinu opinbera á heimilum víðs vegar um landið og oftar en ekki voru þessi heimili eftirlitslaus og einstaklingarnir er þar dvöldu máttu margt misjafnt þola og áttu sér engan talsmann. Þessi stórfelldu mistök urðu mörgum dýrkeypt og við viljum ekki að sagan endurtaki sig.

Jóhanna Guðrún Agnarsdóttir

[Friðrik Þór Guðmundsson, 7.3.2008 kl. 12:25]

Sæll Konráð.

Mér finnst þurfa sérlega grunsemdarfulla hugsun til að koma auga á ásakanir af minni hálfu á hendur Breiðavíkursamtökunum um  "græðgi eða eiginhagsmuni" eða gera einstaka þætti tortryggilega. Það er satt að segja ekki nema von að það gæti töluverðra samskiptaerfiðleika innan samtakanna ef almennt orðuðum vangaveltum er mætt með þeim hætti sem þú gerir, Konráð. 

Ég vil að þú vitir að þú hefur kosið að túlka orð mín með röngum hætti. Þú leggur þinn eigin skilning í orð mín og skammar mig fyrir þína eigin túlkun. Ég er nefnilega ekki í vafa um að þolendur ofbeldis, tilefnislausrar eða -lítillar nauðungarvistunar og vinnuánauðar eiga fullan rétt á bótum og að það er ekki til marks um græðgi eða eiginhagsmunagæslu að óska eftir eða krefjast slíkra bóta. Bætur eiga að gera þolendum öllum lífið bærilegra og geta verið fólgnar í peningum, félagslegri og sálfræðilegri liðveislu, kostnaðarlausri skólagöngu og fleiru. Orð mín í pistlinum sem ég beini að samtökunum hafa ekkert með græðgistal að gera. Ég hef sjálfur mátt ganga á eftir skaðabótum (fyrir sonarmissi) og veit að það hefur ekkert með græðgi að gera að ganga á eftir rétti sínum og láta geranda sæta ábyrgð.

Stóra málið er að viðurkenningarstimpill er kominn á að ofbeldið og skaðinn hafi átt sér stað - að Breiðavík. Fyrir liggur að forsætisráðherra ætlar að láta smíða frumvarp um skaðabætur - til vistmanna að Breiðavík. Mikilvægt er að Breiðavíkurskýrslan verði fordæmi að skoðun á öðrum vistheimilum og að frumvarp ráðherra um bætur geti orðið fyrirmynd að bótarétti annara þolenda en þeirra sem dvöldu að Breiðavík. Nú þegar bótarétturinn er sjálfgefið útfærsluatriði verða Breiðavíkursamtökin í umræðunni allri að beina sjónum manna að öðrum vistheimilum; Kumbaravogi, Jaðri, Reykjahlíð og þeim öllum. Þetta er það sem ég var að meina og ég frábið mér, Konráð, að þú leggir mér orð í munn með þeim hætti sem þú gerir í athugasemd þinni. FÞG.

[Konráð Ragnarsso (IP-tala skráð) 7.3.2008 kl. 14:43]

Blessaður Friðrik,Ekki var ætlun mín að ásaka þig um að hafa slíka hugsun og má vera að ég hafi verið klaufalegur í orðavali eða uppsetningu,ætlun mín var að svara almennt þeim spurningum sem þú varpaðir fram, en ekki ráðast á þig persónulega.Ef þú telur svo vera þá bið ég þig afsökun á því.Það hlítur að vera skylda stjórnar Breiðavíkursamtakanna að svara ýmsum vangaveltum sem sem fólk hefur í sambandi við hlutverk Breiðavíkursamtakanna og framtíð þess.Þetta eru viðkvæmt mál og margir innblandaðir.Ég býst fastlega við því ,að þessar hugleiðingar sem þú skrifaði um, hafi verið til þess að opna umræður um þessi mál, frekar en að lýsa þinni persónuleg skoðun.Þú frábiður mér að leggja þér orð í munn,en ef ég skildi þig rétt ( leiðréttu mig ef svo er ekki) þá var ein vangaveltan um það hvað við ætluðum að gera fyrir önnur heimili, nú þegar sér fyrir endan a Breiðavíkurmálinu,ég svaraði því til, að við höfum og erum að berjast fyrir öll heimilin og það hefur ekkert breyst. Nú þegar hefur verið ákveðið að rannsaka þau og því verður fylgt eftir.Við getum verið því sammála ,að sumum hafi þótt Breiðavíkmálið dómenara umræðurnar og þess vegna haldið að hin heimilin væru afskipt, en ég vil benta á það, að í Breiðavíkursamtökunum eru fullt af félagsmönnum frá öðrum heimilum og valla væru þau þar, ef  Breiðavíkusamtökin væru bara fyrir vistmenn Breiðavíkur.Samskiptaerfiðleikar sem þú vísar til, vegna rangtúlkun minna á almennt orðuðum hugleiðingum, hafa ekkert með málið að gera,í svona viðkvæmum málum eru ólíkar skoðanir um hvaða leiðir eigi að fara og þá eru menn ekki alltaf sammála.Því miður, þá hefur sumum þótt félagsmenn og stjórn Breiðavíkusamtakanna, félagslega vanhæfir,(vegna vista sinna á  umræddum heimilum) til að stjórna slíkum samtökum og boðið aðstoð sína á þeim forsendum,slíkt getur aldrei mælst vel fyrir!Ég ætla þér ekki slíka hugsun,en virðingarleysi sumra manna gagnvart öðrum, er kannski ástæða samskiptaerfiðleika.Ég væri síðasti maður að gera lítið úr þinni hetjulegri baráttu til að ná fram rétti þínum, vegna sonarmissi þíns.Enda dáðist (og geri enn)  ég af ákveðni og staðfestu þinni í því máli. Með kveðju,Konráð

[Friðrik Þór Guðmundsson, 7.3.2008 kl. 15:12]

Við skulum hafa það á hreinu Konráð að ég ásaka engan um græðgi eða eiginhagsmunapot í þessu máli. Áhyggjur mínar lúta að því einu að í umræðu um þessi mál verði upphæðir og útfærsla skaðabóta dómínerandi í umræðunni og skyggi á umræðuna um ofbeldið, nauðungina og vinnuánauðina sem áttu sér stað þarna fyrir vestan og á öðrum vistheimilum. Þess vegna meðal annars spyr ég í nýrri færslu hjá mér: hvað er það nánar tiltekið sem fagnað er að ráðherra ætli að afgreiða fljótt og vel?

En ég hef sum sé komið með mínar skýringar og þú virðist taka þeim vel. Það er aðalatriðið. Ég ætla ekkert að geta mér nánar til um nefnda samskiptaerfiðleika, vona bara að þeir séu fullkomlega aðferðafræðilegir en ekki persónulegir.

[Konráð Ragnarsson, 8.3.2008 kl. 10:33]

Ásakanir mínar að þú vænir okkur um græðgi eða eiginhagsmunapot eru hér með gerðar ógildar.

Við ættum að halda þessu á málefnalegum nótum,viðkvæmt er málið.

Oft á þessum tíma sem ég hef setið í stjórn Breiðavíkusamtakanna hafa ásakanir komið upp að við séum eingöngu þarna fyrir Breiðavíkurheimilið,að mörgu leiti skiljanlegt,þar sem stjórnin er eingöngu skipuð drengjum frá Breiðavíkurheimilinu,heppilegra ef önnur heimili hefðu fengið sína fulltrúa,að vísu var ein manneskja kosin í stjórnina frá öðru heimili en strax eftir kosningarnar sagði hún sig úr stjórn.Við leystum þetta með því að gera fulltrúa annarra heimila kost á því að sitja stjórnarfundi sem áheyrnarfulltrúar og voru flestir sáttir með það.Samtök sem eiga sér enga fyrirmynd hljóta ganga gegnum ákveðið reynslutímabil þar sem menn sjá hvað betur megi fara og ákveða að gera betur næst.Nú líður að Aðalfundi og þá gefst félagsmönnum kost á því að breyta því sem aflaga hefur farið og gefa kost á sér í stjórn.

[Friðrik Þór Guðmundsson, 8.3.2008 kl. 11:43]

Þakka þér fyir Konráð, tek undir með þér; samskiptaörðugleikar eru vonandi að baki og í vor verða samtökin vonandi að fullu óskoruð og á alla kanta raunveruleg regnbogasamtök fyrrum vistmanna allra heimila sambærilegum Breiðavík. Einmitt það sem ég var að segja.