Skemmdarverk svartliðans Einars Kr.

Hér sést svart á hvítu hverslags viljandi skemmdarverk Einar Kr. Guðfinnsson lagði sig fram um að fremja korteri fyrir valdamissi sinn. Til að hefna sín og skemma fyrir öðrum kastaði hann sprengju inn í stjórnarmyndunarviðræðurnar og hafði þar eingöngu flokkshagsmuni í huga.

Einar Mar Þórðarson stjórnmálafræðingur hefur tekið undir þann skilning að ákvörðun Einars Kr. Guðfinnssonar sé "í hæsta máta óeðlileg", Einar Kr. sitjandi í tímabundinni starfsstjórn - þetta sé hefnd. Einar Mar segir Einar Kr. brjóta allar hefðir til að koma höggi á Samfylkingu og VG, enda yrði erfitt að afturkalla ákvörðunina.

Ég tek fram að ég er ekki andstæðingur hvalveiða og mér þykir ekki mikið til tilfinningaraka gegn hvalveiðum koma. Ef hvalategundir eru ekki í útrýmingarhættu er veiði réttlætanleg. Ég sýni þeim sjónarmiðum að hvalurinn sé einhver svakalega gáfuð skepna lítinn skilning. Aftur á móti blasir einnig við mér að ef hvalveiðarnar baka okkur meira tjón en tekjur þá eru það líka gild rök til að miða ákvarðanir við. Og ákvörðun sem þessi, á þessum tímapunkti, er ekki nákvæmlega það sem Ísland átti að senda út í alþjóðasamfélagið.

En ákvörðun Einars Kr. koma hvalveiðum í rauninni lítið við. Frekar að þetta sé í ætt við færslu mína hér að neðan; um reiði, hatur, heift og hefnd.

Hvalurinn setur hnút í Frjálsynda

Athugasemdir

[Sóley Björk Stefánsdóttir, 29.1.2009 kl. 13:43]

Þetta er eins og talað út úr mínu hjarta.

[Friðrik Þór Guðmundsson, 29.1.2009 kl. 14:31]

Ég man hversu vond lykt mér þótti af hvalavinnslunni í Hvalfirði. Ég finn svoleiðis lykt (fnyk) núna.

[Villi Asgeirsson, 29.1.2009 kl. 14:41]

Sýnir að sjallarnir (og kannski aðrir líka) hugsa bara um eigið rassgat fyrst. Andsk... hafi pakkið sem fattar ekki hve fagur blái liturinn er.

[Máni Ragnar Svansson, 29.1.2009 kl. 15:09]

Þetta er drullupakk......sannkallaðir fnykverjar.   Tek undir með Einari Bergmundi.

[Axel Jóhann Axelsson, 29.1.2009 kl. 15:10]

Á þessum síðustu og verstu tímum verðum við að afla allra þeirra tekna sem mögulegar eru fyrir þjóðarbúið.  Það má ekki gera lítið úr tekjunum sem mögulegt er að fá fyrir hvalaafurðirnar og svo er þetta atvinnuskapandi.  Okkur munar um hvert starf sem hægt er að búa til.  Að auki er tilfinningavæll óþolandi í þessu samhengi og ferðamenn hætta alls ekki að koma til landsins vegna þessa.

[Fannar frá Rifi, 29.1.2009 kl. 15:24]

já banna hvalveiðar útaf því að það skaðar hagsmuni eiganda Baugsfylkingarinnar og gæti sett damp á íslensku útrásina.

þetta er þjóðþrifarmál. þeir sem eru á móti hvalveiðum er á móti skynsamlegri nýtingu sjávarauðlinda og fjölgun starfa. 

Þessi umhverfishryðjuverkasamtök leggjast gegn öllum veiðum og nýtingu á auðlindum sjávar. hvalurinn var fyrstur á lista og núna eru þeir byrjaðir að berjast fyrir friðun á þorski. 

tekur þú undir þetta helvítis rugl? 

[Ólafur Gunnarsson, 29.1.2009 kl. 15:27]

Einar K.G. vann gott verk. Það hefur ekki verið talið til skemmdarverka að skapa atvinnu. Meirihluti þjóðarinnar er hlynnt hvalveiðum og þær skapa tekjur sem ekki veitir af á þessum síðustu og verstu. Ég tek ofan fyrir E.K.G. þó þessi ákvörðun hans hefði átt að koma áður en stjórnin féll, hann vissi sem var að þessa ákvörðun varð að taka áður en yfirlýstir andstæðingar hvalveiða tækju hér völd. Þetta er auðlind sem verður að nýta samhliða nýtingu annara auðlinda hafsins.

[Friðrik Þór Guðmundsson, 29.1.2009 kl. 15:43]

Í nýrri færslu segi ég þetta:

 Ég er ósköp grænn gagnvart umhverfinu en númer eitt vænn gagnvart velferðarkerfinu. Ég styð ekki mengun í náttúrunni, en ég leggst alfarið gegn mengun mannúðarinnar.

Ég styð heilshugar baráttuna gegn mengun í náttúrunni og hef skiling á þörfinni fyrir minni losun gróðurhúsalofttegunda. En ef skynsömum umhverfissjónarmiðum er fylgt þá met ég meira ábata atvinnuuppbyggingar en sparifataloforð sem ekki eru í takti við hlut Íslands í raunverulegri losun. Nú sem aldrei fyrr þarf samfélagið á skilvirkri tekjöflun að halda.

Sama gildir um hvalveiðar. Ég fellst ekki á tilfinningarök um að veiðar á hvölum séu í sjálfu sér slæmar, burt séð frá öðrum rökum. Ef skynsöm rök segja að hvalveiðar færi þjóðinni meiri tekjur en sem nemur tjóninu sem veiðarnar hafa í för með sér, þá fellst ég á hvalveiðar. Ef tjónið er meira og þá nettótap af veiðunum, þá er ég þeim ekki fylgjandi.

Ekki síst í yfirstandandi krísu horfi ég til alls þess sem getur varið velferðarkerfið gegn óþörfum skakkaföllum. Mannúð velferðarkerfisins er númer eitt hjá mér. Niðurskurður í heilbrigðisþjónustunni er eitur í mínum beinum. Ef það tryggir sjúklingum og slösuðum nauðsynlega meðferð þá get ég alveg fallist á alls konar verksmiðjur (sem standast heilbrigt umhverfismat, einkum á landsbyggðinni) og hvalveiðar.

[Árni (IP-tala skráð) 29.1.2009 kl. 15:50]

Svo má bæta því við, að framkvæmdarstjóri félags hrefnuveiðimanna, Gunnar Bergmann Jónsson (sjá hrefna.is), er sonur Jóns Gunnarssonar, alþingismanns, samflokksmanns og góðvinar EKG.

Ekki það að það þurfi að skipta máli. Bara áhugavert að skoða svona hluti, bæði í og úr samhengi :). 

[Sigurður Þorsteinsson, 29.1.2009 kl. 15:51]

Friðrik

Er nokkuð annað í stöðunni en að afnema kvótann, það er að segja, ef meirihluti þingmanna er fyrir slíku. Það er jú meirihluti þingmanna sem ræður!

[Friðrik Þór Guðmundsson, 29.1.2009 kl. 17:33]

Segðu mér, Sigurður, heldur þú að Einar Kr. hafi kannað meirihlutavilja þingmanna áður en hann tók sína ákvörðun?

[Gunnar Th. Gunnarsson, 30.1.2009 kl. 01:04]

80% Alþingismanna samþykkti lög um hvalveiðar á sínum tíma. Þeim lögum hefur ekki verið breytt. ISG sagði aðspurð fyrir nokkrum mánuðum að hvala-kvótinn væri alfarið ákvörðun sjávarútvegsráðherra.

Ástæðan fyrir því að þetta er viðkvæmt mál núna fyrir Samfylkinguna er sú að nú er hún að nudda sér upp við VG.

Þetta er alltaf sami söngurinn í hvalfriðunarsinnum ár eftir ár, að verið sé að fórna meiri hagsmunum fyrir minni. Að ímynd landsins skaðist og ferðamönnum fækki o.s.f.v. En svo vill til að ferðamönnum er stöðugt að fjölga hingað og sömuleiðis fjölgar fólki í hvalaskoðunarferðum, þrátt fyrir veiðar undanfarin ár.

Þuríður Bachmann var á ÍNN í dag og sagði að útflutningur okkar og samningar um fisksölu væru í hættu vegna hvalveiðanna. Merkileg viska frá henni í ljósi þess að öll hagsmunasamtök í sjávarútvegi mæla með hvalveiðunum og fagna ákvörðun sjávarútvegsráðherra.