Skattaáþján Dunedin á Íslandi. Greyin.

Það fór ekki mikið fyrir umfjöllun fjölmiðla um Dunedin-dóminn, sem kveðinn var upp í Héraðsdómi Reykjavíkur 9. október síðastliðinn. Var þó um gagnmerkan dóm að ræða ofan í umræðuna um kreppuna, auðmenn og útrás. Lúxembúrgískt eignarhaldsfélag höfðaði mál vegna dótturfélags á Íslandi (skúffufélags?) þar sem þess var krafist að ógild yrði skattlagning hérlendis á hvorki meira né minna en 2.6 milljarða króna arði.

 

Hvaða útlenska dótturfélag er að borga 2.6 milljarða í arð hérlendis, er von að spurt sé. Hvaða óþekkta fyrirtæki er með svo ábatasama starfsemi hér? Arðurinn féll til vegna skattaársins 2003, þannig að um „gamalt“ mál er að ræða. Dunedin borgaði tæplega 130 milljónir í staðgreiðslu af arðinum, samkvæmt eigin útreikningi, en virðist hafa uppgörtvað það síðar að það hafi fyrirtækinu ekki borið að gera í ljósi tvísköttunarsamnings ríkjanna.

 

Íslenska dótturfélagið heitir Dunedin Finance ehf og ákvað 17. Janúar 2003 að borga arð; 2.574.150.204 krónur. Maður með 250.000 króna laun á mánuði er 858 ár að vinna sér inn slíka upphæð brúttó. Þetta eru ævitekjur 17 slíkra manna. Og blessað fyrirtækið dauðsá eftir 5% skatti af þessum arðstekjum!

 

Lúxembúrgíska móðurfélagið er eini hluthafinn og þá viðtakandi arðsins – peningarnir runnu til útlanda, hvaðan í ósköpunum sem þeir áttu annars upptök sín.

 

Íslensk skattayfirvöld létu sér fátt um finnast í dómsmálinu og bentu á að Dunedin hefði reiknað skattinn sjálft og skilað staðgreiðslu ótilkvatt og án fyrirvara á eigin útreikninga. Engin ákvörðun lægi fyrir hjá skattstjóra sem unnt væri að fella úr gildi. Dunedin hafi einfaldlega borgað og síðan sýnst af sér tómlæti og glatað þeim rétti sem fyrirtækið kann að hafa haft. Endurgreiðslikrafan þar á ofan fyrnd.

 

Dómari málsins, Sigríður Ingvarsdóttir, féllst ekki á málflutning og rök Dunedin, svo sem að skattlagningin hefði verið brot á EES-sammninginum. Ríkið var sýknað og Dunedin sat uppi með að eigin mati of háa skattgreiðslu á 2.6 milljörðunum – 5%.

 

Ekki kemur fram hverjir sitja í stjórnum Dunedin-félaganna, en það virðist skráð til heimilis hjá lögmannabræðrunum Gunnari og Gesti Jónssyni.

Athugasemdir

[Viðskrifarinn (IP-tala skráð) 30.10.2008 kl. 19:01]

Dunedin Holdings SARL í Luxembúrg er eini hluthafinn í Dunedin Finance ehf.

Dunedin í Luxembúrg er aftur í eigu kanadíska félagsins George Weston Limited, sem er eitt stærsta matvælaframleiðslu- og dreifingarfélag Norður Ameríku.

Hverjir eru aftur eigendur kanadíska félagsins er ekki vitað né til hvers þeir eru með dótturfélag í Luxembúrg, sem aftur á félag á Íslandi sem gat greitt svona arð af starfsemi sinni.

Hins vegar má ljóst vera að nokkur eru heimilisföngin í Reykjavík þar sem skúffufélögin ráða ríkjum, eitt þeirra er við sömu götu og Ríkisútvarpið, eitt við Stórhöfðann og svo náttúrulega Borgartúnið góða.

Þurfti Kompás nokkuð að fjalla um félög á Tortla þegar Reykjavík dugði?

[Viðskrifarinn (IP-tala skráð) 30.10.2008 kl. 19:29]

Í Stórhöfða 21 eru nokkur félög með svona Tortolalegum nöfnum ásamt einu Dunedin-félagi, en það er reyndar bara sf og ekki það sama og að ofan greinir.

680103-2160

Axcan Pharma Finance Íslandi ehf

Stórhöfða 21

110 Reykjavík

641005-1180

Baker Hughes Norge AS, útibú á Íslandi

Stórhöfða 21

110 Reykjavík

600906-1350

Bákn ehf

Stórhöfða 21

110 Reykjavík

441207-0500

BNB Consulting ehf

Stórhöfða 21

110 Reykjavík

461102-2040

CN Liquidity Management Íslandi ehf

Stórhöfða 21

110 Reykjavík

561202-2060

Dunedin á Íslandi sf

Stórhöfða 21

110 Reykjavík

580398-2439

Fasteignafélagið Borgarendi ehf

Stórhöfða 21

110 Reykjavík

620607-0530

Fernas Europe II ehf

Stórhöfða 21

110 Reykjavík

460904-3310

Fernas Europe slf

Stórhöfða 21

110 Reykjavík

680788-2519

Flísabúðin hf

Stórhöfða 21

110 Reykjavík

581200-5360

Generated Investments Íslandi ehf

Stórhöfða 21

110 Reykjavík

480108-1590

Golden Gate Holding ehf

Stórhöfða 21

110 Reykjavík

640103-2130

Húsfélagið Stórhöfða 21

Stórhöfða 21

110 Reykjavík

541103-3330

Ingersoll-Rand Finance Ísl slf

Stórhöfða 21

110 Reykjavík

690506-1730

Long Key ehf

Stórhöfða 21

110 Reykjavík

590603-3170

MID Íslandi sf

Stórhöfða 21

110 Reykjavík

550503-3870

MSREF-S Íslandi slf

Stórhöfða 21

110 Reykjavík

550503-3950

MSREF-T Íslandi slf

Stórhöfða 21

110 Reykjavík

550503-4090

MSREF-TE Íslandi slf

Stórhöfða 21

110 Reykjavík

460902-2310

NEXUSGROVE HOLDINGS ICELAND ehf

Stórhöfða 21

110 Reykjavík

421003-2620

Norcem á Íslandi ehf

Stórhöfða 21

110 Reykjavík

660204-2530

North Atlantic Seafood á Íslandi ehf av

Stórhöfða 21

110 Reykjavík

581200-5440

OneSource Finance Íslandi ehf

Stórhöfða 21

110 Reykjavík

680600-3170

Proteus ehf

Stórhöfða 21

110 Reykjavík

600503-2940

SSF I Íslandi slf

Stórhöfða 21

110 Reykjavík

600503-3590

SSF II Íslandi slf

Stórhöfða 21

110 Reykjavík

521007-0870

Tower Investment ehf

Stórhöfða 21

110 Reykjavík

[Viðskrifarinn (IP-tala skráð) 30.10.2008 kl. 19:38]

Og svona til viðbótar!

Hvað ætli Dunedin Finance ehf hafi borgað í arð árin eftir 2003 ?

[G. Tómas Gunnarsson, 30.10.2008 kl. 22:15]

Hér eru þið að einhverjur leiti að fara fram úr sjálfum ykkur strákar.

Ég þekki ekkert til Dunedin, hvorki ehf eða holdings.  En hér í Kanada þekkja flestir Weston.  Ég þekki ekki tengsl Dunedin og Weston, en það er ekkert leyndarmál hver á George Weston Limited, það er almenningshlutafélag, skráð í Kauphöllina hér.

Lang stærsti eigandinn er að mig minnir ennþá Weston fjölskyldan. Hún er ennþá virk við stjórnun fyrirtækisins.  Hún er mjög vel þekkt hér, líklega mætti líkja henni við Hagkaupsfjölskylduna Íslensku til að setja þetta í eitthvað samhengi.  Stærra land, ríkari fjölskylda.

En ég veit ekki nákvæmlega hvað Dunedin er að gera á Íslandi, ekki ólíklegt að það tengist bakarís og/eða öðrum matvörum.  Síðan hafa risafyrirtæki ýmsar aðferðir til að stjórna fjármögnum og öðru slíku, og flytja hagnað á hagstæðari "mið".

En ég held að hér sé ekkert stór samsæri á ferðinni.

[Friðrik Þór Guðmundsson, 30.10.2008 kl. 22:21]

Ég veit ekki með Viðskrifarann, en ég sagði fyrst og fremst frá dómsmálinu. Ég þakka upplýsingarnar G. Tómas, en þú getur ekki svarað spurningunni um hvað Dunedin gerir á íslandi sem skilar af sér 2.6 milljarða króna arði - ég leyfi mér að efast um að bakarísrekstur skili slíku þótt þeir ættu öll bakarí landsins.

Og ekki er maður heldur að halda því fram að eitthvað ólöglegt sé á ferðinni. Með "þvotti" á ég ekki endilega við ólöglegan peningaþvott, heldur frekar að búið sé að gera Ísland að fésýslu - og skattaparadísinni sem Davíð og Hannes boðuðu. 

 Þúsundir skúffufyrirtæki að skila eigendum sínum hreinum og fínum ofsa-arði. Þarf ekki að vera löglaust en er af sama meiði og markaðsfyrirbærið sem nú hefur stökkt Íslandi aftur um áratugi.

[Viðskrifarinn (IP-tala skráð) 30.10.2008 kl. 23:21]

Ef arður af rekstri á Íslandi fyrir árið 2002 var kr. 2.574.150.204 krónur hver var þá veltan?

Þegar nafn þessa stórfyrirtækis, þ.e. Dunedin Finance ehf, er slegið inn í leitarvélina Google þá er athyglivert að aðeins kemur upp ein leitarniðurstaða.  Leitarniðurstaðan er þessi bloggfærsla Friðriks Þórs.

Eðlilegt?

En við vitum jú hvað „famelían“ hér kom landinu í !

[Friðrik Þór Guðmundsson, 30.10.2008 kl. 23:53]

Ef við gerumst liberal og áætlum 20% hagnað og 25% arð af honum... þá er hagnaðurinn 10.4 milljarðar og veltan ríflega 50 milljarðar. En líkast til erum við þarna að tala um 99% hagnað og 99% arð af því. Og veltan þá umræddir 2.6 milljarðar.

Þetta dómsmáladæmi og hinn mikli fjöldi eignarhaldsfélaga af samskonar sort bendir til þess að við séum búin að vera með skolli frjálslegt fésýslu- og skattaumhverfi. Ef Dunedin er bara eitt af ótalmörgum óþekktum erlendum og innlendum eignarhaldsfyrirtækjum sem velta bara arði þá sér maður fyrir sér ofboðslega marga milljarða. Hver á þá og hvert eru þeir að fara?

[G. Tómas Gunnarsson, 30.10.2008 kl. 23:54]

Arður af sölu matvæla getur verið býsna góður, og auðvitað ber að hafa í huga að það er alls ekki gefið að um hagnað eins árs sé að ræða, heldur er möguleiki að ákveðið hafi verið að borga út uppsafnaðan hagnað.

Hitt er þó lang líklegast að mínu mati (svona eftir að ég lagði höfuðið í bleyti) að hér sé um arð af fjárfestingum eða "sparnaði" að ræða.  Félagið hafi notfært sér Íslenska bankareikninga, eða sjóði til að ávaxta sitt fé.

Það er enginn vandi að finna eitthvað um Dunedin Finance á Íslandi, þó að engar upplýsingar séu um starfsemi þess.

Félagið er til húsa að Sundagörðum 2, síminn er 585 1185, og kt. er 600900-2850

Það vekur reyndar athygli mína, nú þegar ég fór að athuga málið, að hið velþekkta Kanadíska fyrirtæki Bombardier, er með  "financial services" til húsa á sama stað.  Síminn hjá þeim er 594 9460.

Ég get ekki séð að það sé best að álykta að hér sé um siðlaust eða eitthvað "hanky panky" athæfi. 

[Viðskrifarinn (IP-tala skráð) 31.10.2008 kl. 00:45]

Þætti það sérkennilegt væru Bombardier og Weston til "heimilis" á sama stað á Asoreyjum?

Hvað ætli Bombardier Corp.Fin Serv Ísl sf hafi greitt í arð af starfsemi hér á landi?

Hvernig svo sem menn kjósa að líta á það þá er sannarlega afar sérkennilegt að þetta stóra félag Weston rjáli með aura milli Lux. og Íslands í hliðarskrefi frá heimahögunum Kanada sé það ekki aðeins í þeim tilgangi að ....... ?

Dunedin Finance á Íslandi ehf hefur alla vega ekki verið duglegt við að skila ársreikningum síðustu árin !

2007	Dunedin Finance á Íslandi ehf	Ársreikningi ekki skilað
2006	Dunedin Finance á Íslandi ehf	Ársreikningi ekki skilað
2005	Dunedin Finance á Íslandi ehf	Ársreikningi ekki skilað
2004	Dunedin Finance á Íslandi ehf	Ársreikningi ekki skilað

[Hildur Helga Sigurðardóttir, 31.10.2008 kl. 01:45]

Athyglisvert -en kannski af "það mátti reyna það" skólanum...

[Friðrik Þór Guðmundsson, 31.10.2008 kl. 02:11]

Já, Hildur Helga, vafalaust lagatæknilega reynandi að losna við 5% skattinn. En sem er aukaatriði í mínum huga miðað við annað sem skín í gegn, meðal annars "skolli frjálslegt fésýslu- og skattaumhverfi".

Eignarhaldsfélag með að því er virðist enga raunverulega starfsemi hér á landi, sem verðskuldar skil á ársreikningum, greiðir Lúxembúrgískum (?) eða Kanadískum (?) eigendum sínum 2.6 milljarða í arð. Í "skolli frjálslegu fésýslu- og skattaumhverfi" er þetta ekki "hanky panky" og af mörgum talið ekki siðlaust. Við vitum af frjálsu peningaflæði og öðrum fjórfrelsum, en í yfirstandandi kreppu og krísu þætti mér fengur í því að vita hvaðan þessi peningur er að koma og hvert hann er að fara. Hafandi í huga að við erum að tala um kannski tugi og gott ef ekki hundruð ámóta eignarhaldsfélaga.

[Birgir (IP-tala skráð) 31.10.2008 kl. 07:22]

Sælir,

Þetta er kanadískt félag sem hefur fjárfest hér á landi (og sett þá peninga inn í kerfið sem hafa skapað arð - sem hefur verið greiddur skattur af) eða sem stundar lánastarfsemi til og frá Íslandi og hefur þá greitt skatta af sínum hagnaði og eftir stendur arður. Arður í dag sem greiddur er til Lúx er t.d. á 0%. Arður milli félaga á Íslandi er án skatts. Öll rök hníga að því að arður eigi ekki að vera skattlagður milli félaga, enda væri annars orðið óarðbærara að fjárfesta í nýjum aðskildum atvinnurekstri heldur en að halda peningum bara inni í hverju og einu félagi fyrir sig. Slíkt myndi hafa neikvæð áhrif á allan aðgang á eigið fé.

Þetta er fullkomlega eðlilegar aðgerðri og í raun fráleitur dómur. Þar sem arður er ekki skattlagður milli íslenskra félaga þá á ekki að skattleggja m.v. fjórfrelsið milli félags á Íslandi og í Lúx. Sama meðferð á að gilda. Vonandi fer þetta mál upp í hæstarétt, hér eiga að gilda reglur og menn eiga að geta vænst þess að EES samningurinn haldi, sama hvað einhverjum aðilum finnst um fjármagnsflutninga einkaaðila. 

[Friðrik Þór Guðmundsson, 31.10.2008 kl. 10:26]

Þakka þér fyrir upplýsingarnar Birgir. það eru verulega athyglisverðar upplýsingar að það sé fyrirtækjum vont og meira að segja óarðbært að borga smá skatt. Ekki er það okkur pöpulnum óarðbært að borga skatt, það er ég viss um.

Það er líka hryllileg tilhugsun að fyrir utan að hafa lent í þeirri ósvinnu að borga skatt þá eigi svona fyrirtæki kannski samkvæmt reglum að skila ársreikningi! hvað næst? Skattframtali?

[Viðskrifarinn (IP-tala skráð) 31.10.2008 kl. 11:27]

Hverjum ætti jú að vera ljóst að þannig vill til að Flísabúðin er í sama húsi og fjöldinn allur af félögum með „Tortolaleg“ nöfn.

Flísabúðin selur flísar það vita jú allir er það ekki - en hvar gerði Dunedin Finance ehf á Íslandi svo hressilega að arðurinn, sem greiddur var út í ársbyrjun 2003 var tæplega 2.6 milljarðar?

Ekki seldu þeir flísar?

[Brjánn (IP-tala skráð) 31.10.2008 kl. 11:48]

Ég ætla að giska á að Dunedin á Íslandi hafi selt móðurfélaginu í Kanada "fjármálaráðgjöf" eða "stjórnunarráðgjöf". (Jafnvel þó svo að Dunedin á Íslandi hafi líklega fáa sem enga starfsmenn)

Tilgangurinn er að geta rukkað starfsstöðvar fyrirtækisins erlendis um "ráðgjafarþóknun". Þannig er fé komið í burtu sem annars væri skattað sem annar hagnaður í upprunalandinu. Nú svo er þessi "hagnaður" á Íslandi greiddur sem "arður" til alvöru bankalands eins og Lúxemborga. Þaðan fer hann svo sennilegast inn á bankareikninga vildarvina eða þá að hann er geymdur þar.

Tilgangurinn er að lækka skattbyrði og komast hjá greiðslum í landinu sem fyrirtækið starfar.