Heldur Guð með United eða Chelsea?

Það eru nokkrar mínútur í lokaumferð Enska boltans. Ég hljóp til áðan, niður í bæ og ætlaði í Kolaportið og í bakarí, en allt var lok, lok og læs. Villuráfandi útlendingar höfðu enga skýringu, en ég fann Íslending sem sagði mér að það væri Hvítasunnudagur. Það vissi ég ekki. Var send út fréttatilkynning?

En þetta leiddi mig til spurningarinnar, sem rétt er að spyrja opinberlega núna, áður en leikirnir byrja. Heldur Guð með United eða Chelsea?

Og hvað fallbaráttuna varðar; hvaða botnlið hefur syndgað minnst eða er Guði mest þóknanlegt í þá veru að falla ekki; Fulham, Reading eða Birmingham.  Veit Guð af Íslendingunum í Reading og að á Íslandi er fólks svo gott að loka Kolaportinu og bakaríum í dag?

Jæja, svörin verða ljós von bráðar...

(Myndin er af Sonju Björk, litlu frænkunni minni í Seattle) 

Úrslitin ráðast í Englandi í dag

Athugasemdir

[Lára Hanna Einarsdóttir, 11.5.2008 kl. 13:49]

Ég held með Manchester United og nú fer leikurinn að byrja! 

[Friðrik Þór Guðmundsson, 11.5.2008 kl. 16:04]

Guð hélt sem sagt með "Rauðu djöflunum". Magnað.

[Lára Hanna Einarsdóttir, 11.5.2008 kl. 16:32]

Ég held að Guð hafi ekkert með þetta að gera... 

[Friðrik Þór Guðmundsson, 11.5.2008 kl. 18:31]

Ha? hvað meinarðu Lára Hanna... að það hafi verið... gúlp... hinn gæinn?

[Jakob (IP-tala skráð) 11.5.2008 kl. 19:17]

Guð heldur með Manchester!

[Lára Hanna Einarsdóttir, 11.5.2008 kl. 19:57]

Hmm...  ég mundi nú ekki eftir hinum gæjanum!