Frekar að boða "30-menningana" næst!

 

Flottur fundur í Háskólabíói. Fundarstjórinn boðaði næsta fund í desember og sagði að þá yrðu fulltrúar verkalýðshreyfingarinnar og lífeyrissjóðanna boðaðir til að svara spurningum. Ég er svolítið hissa - ég átti nú frekar von á því að það væri örugglega komið að "30-menningunum", útrásarvíkingunum svokölluðu, aðal sökudólgunum. Ég hef miklu miklu miklu fleiri spurningar til þeirra en verkalýðsforkólfa.

Kannski kemur þó að þeim þarnæst. Þeir þurfa kannski lengri fyrirvara, þrátt fyrir einkaþotur, að koma frá útlöndum, sumir kannski frá Luxemborg og Cayman og Tutola eyjunum.  En kannski er borin von að þeir þori að koma.

Ég komst ekki á fund þennan en gat fylgst með honum að megninu til í sjónvarpinu. Mér fannst afar sársaukafullt fyrir augun að sjá Árna Johnsen beint fyrir aftan ræðupúltið, vambmikinn holdgerving spillingarinnar, fúlan á svip og á köflum að því kominn að dotta, svei mér þá. Ekki falleg "auglýsing" fyrir ríkisstjórnina. En góð áminning.

„Þetta er þjóðin“

Athugasemdir

[Friðrik Þór Guðmundsson, 24.11.2008 kl. 22:56]

Þetta síðastnefnda hlýtur auðvitað að vera öfugmæla-brandari!

[Árni Gunnarsson, 24.11.2008 kl. 23:34]

Öfugmælabrandari segir þú Friðrik! Að sjálfsögðu kaldhæðni sem mér hefði líkt og Erni fundist vel viðeigandi við þessar aðstæður.Vel viðeigandi að vekja athygli á þeim vinnubrögðum sem Sjálfstæðisflokkurinn viðhefur þegar hann tekur til máls með vinnubrögðum eigin siðfræði. Þessi flokkur hefur talið sig hafa alræði í sýknu- og sakamálum og til að létta undir með sér hefur hann ævinlega lagt hald á dómsmálaráðuneytið. Þaðan hefur hann vald á ráðningum í öll dómaraembætti landsins.

Aflátsbréf Árna Johnsen var svo gefið með því að bíða færis og hremma embætti forseta lýðveldisins að forsetanum fjarverandi og til þess þarf nú sjaldan langa bið að þreyja á voru landi. Svona atvik mega ekki gleymast og því er það nauðsyn að rifja þau upp nægilega oft svo þau gleymist ekki.

Tek fram að mér er ekki í nöp við nafna minn Johnsen.

[Viðskrifarinn (IP-tala skráð) 24.11.2008 kl. 23:37]

Er þá ekki rétt að rifja aftur upp þrjátíumenninga Guðjóns Baldurssonar (sjá fyrri færslu hér á síðu Friðriks Þórs) en hann nefnir þá svona:

 "Fjárglæpamenn Íslands:  

1.    Björgólfur Thor Björgólfsson   

2.    Björgólfur Guðmundsson   

3.    Magnús Þorsteinsson

4.    Ágúst Guðmundsson    

5.    Lýður Guðmundsson  

6.    Sigurður Einarsson  

7.    Hreiðar Már Sigurðsson  

8.    Jón Ásgeir Jóhannesson   

9.    Kristín Jóhannesdóttir  

10.  Ingibjörg Pálmadóttir  

11.  Gunnar Smári Egilsson   

12.  Gunnar Sigurðsson  

13.  Pálmi Haraldsson   

14.  Jóhannes Kristinsson 

15.  Magnús Ármann  

16.  Þorsteinn M. Jónsson  

17.  Kári Stefánsson       

18.  Hannes Smárason   

19.  Kristinn Björnsson  

20.  Magnús Kristinsson   

21.  Bjarni Ármannsson     

22.  Róbert Wessmann 

23.  Ólafur Ólafsson 

24.  Karl Wernersson  

25.  Þorsteinn Már Baldvinsson   

26.  Sigurjón Árnason    

27.  Halldór Kristjánsson."

[Kjartan Pétur Sigurðsson, 24.11.2008 kl. 23:38]

Núna má gefa þessum 30 stjörnur fyrir vel unnin verk hér:

http://www.photo.is/utras.html

En þarna má finna kosningakerfi fólksins!

[joð (IP-tala skráð) 24.11.2008 kl. 23:54]

Aldeilis frábær hugmynd.

[Þröstur (IP-tala skráð) 25.11.2008 kl. 01:09]

En hvað með Finn Ingólfsson! Þetta mál með Gift ætti að rannsaka til þrautar! EInn daginn áttu þeir 30 milljarða og svo næsta eru allir búnir að segja af sér og farnir í burtu... skildu eftir sig nokkrar krónur! Að þetta getur gerst! Ég bara á ekki til orð.

[Friðrik Þór Guðmundsson, 25.11.2008 kl. 01:12]

Finnur á heima þarna. Listi Guðjóns að ofan er ekki tæmandi nema síður sé.

[Friðrik Þór Guðmundsson, 25.11.2008 kl. 01:26]

Listi Kjartans Péturs er aðeins öðruvísi en listi Guðjóns. Er ekki rétt að Bloggarar og aðrir miðli sín á milli (t.d. hér!) upplýsingum um búsetulönd þeirra? Þá meina ég hverjir þeirra séu ekki hérlendis (nema í heimsóknum) að berjast með okkur hinum?

Ágúst Guðmundsson

Ármann Þorvaldsson

Bjarni Ármannsson

Björgólfur Guðmundsson

Björgólfur Thor Björgólfsson

Finnur Ingólfsson

Gunnar Sigurðsson

Gunnar Smári Egilsson

Halldór Kristjánsson

Hannes Smárason

Hreiðar Már KB

Ingibjörg Pálmadóttir

Jóhannes Jónsson í Bónus

Jóhannes Kristinsson

Jón Ásgeir Jóhannesson

Karl Wernersson

Kári Stefánsson

Kristinn Björnsson

Kristín Jóhannesdóttir

Lýður Guðmundsson

Magnús Ármann

Magnús Kristinsson

Magnús Þorsteinsson

Ólafur Ólafsson

Pálmi Haraldsson

Róbert Wessmann

Sigurður Einarsson

Sigurjón Árnason

Þorsteinn M. Jónsson

Þorsteinn Már Baldvinsson 

Listinn  er þarna 30 nöfn, sbr. "30-menningarnir", en ég er ekki endilega sammála því að þetta séu endilega réttu "30-menningarnir". Þarna er t.d. Gunnar Smári, sem ég held að sé ómögulegt að flokka undir auðjöfra-höfuðpaura, en þarna er ekki t.d. bankaráðsmaðurinn Kjartan Gunnarsson, sem ég skil ekki. 

[Héðinn Björnsson, 25.11.2008 kl. 01:57]

Ástæður þess að fókuserað er á stjórnmálamenn og verkalýðsfélögin eru að það eru þeir sem við teljum okkur geta haft veruleg áhrif á. Höfum við slík áhrif væri hægt að krefjast þess að auðmennirnir komi enda getum við þá treyst á að hafa stjórnvöld og verkálýðsfélög að baki og ekki í liði auðmanna. Almenningur verður að leita sér bandamanna áður en farið er í að taka á auðmönnunum.

[Friðrik Þór Guðmundsson, 25.11.2008 kl. 02:02]

Athyglisvert, Héðinn (þú tókst þig vel út með gula borðann). En þýðir þetta þá ekki að þið hafið í kvöld og á fundinum áður verið að leita ykkur að bandamönnum í pólitíkusum og fjölmiðlamönnum - með því að gagnrýna þá? Mér hefur sýnst að fjölmiðlamenn viðurkenni sofandahátt og meðvirkni, og boði bót og betrun, en ekki sýndist mér það gilda um ráðherrana. Ég myndi ekki reikna með bandamönnum þar.

Þýða orð þín þá ekki líka að þegar fulltrúar verkalýðsfélaga og lífeyrissjóða mæta þá verða þeir ekki húðskammaðir heldur beðnir um liðveislu og "bandamennsku"?

[Sigurður Þórðarson, 25.11.2008 kl. 07:04]

Góð áminning.

Hann þjónar sum sé einhverjum tilgangi.

[Heidi Strand, 25.11.2008 kl. 08:06]

Ég vil líka fá 30 menninganna á fund ásamt Davíð og yfirmaður Fjármálaeftirlitsins.

BB á líka eftir að mæta.

[Jónas Egilsson, 25.11.2008 kl. 09:32]

Góð og þörf umræða, en hvað varð um réttarríkið. Hér á árum áður voru bæði konur og karlar brend, drekkt eða hengd án þess að viðeigandi sakir fyndust jafnvel án þess að réttað væri í málum viðkomandi. Síðan varð öldungadeildarþingmaðurinn Joseph McCarthy með ofsóknir sem hinn siðmenntaði heimur skammast sín fyrir á 6. áratug síðustu aldar.

Erum við að falla í þessa gryfju?

[Herbert (IP-tala skráð) 25.11.2008 kl. 09:46]

Að vera að líkja lýðræðislegri umræðu við Nornaveiðar og McCarthyisma er mjög ílla til fundið, og hreinlega móðgun. Það hefur ekki verið gerð aðför að neinum á þessum fundum. Fólk er bara að tala saman. 

[Viðskrifarinn (IP-tala skráð) 25.11.2008 kl. 10:22]

Hafa „fundargestir“ ekki verið með Davíð á heilanum? - hvað svo sem einhverjum kann að finnast um þann mann?

Er það ekki svolítið „absúrd“?

Gæti það kallast einelti?

[Gísli Baldvinsson (IP-tala skráð) 25.11.2008 kl. 11:00]

Sæll. Ég hef mínar efasemdir varðandi svona "line up" fundi án þess að þráðfesta það nánar. Velti því fyrir mér hvort svona listar og spurningafundir komi okkur nær sannleikanum. Er væntanlega í mjög litlum minnihluta með þessar efasemdir.

[Jónas Egilsson, 25.11.2008 kl. 12:39]

Ef það hjálpar "spámanninum" að setja einhvern stimpil á þá sem setja skoðanir fram, verður hann að eiga það við sig. Hvort að hann sem "ekki-sjálfstæðismaður" er eitthvað betur búinn í hin svonefndu "umræðustjórnmál" veit ég ekki, enda kemur hann ekki fram undir eigin nafni.

Það er vafasamt að sakfella menn eða tengja menn við ákveðnar sakir, án þess að hafa til þess haldbær rök eða beinar sannanir. Vísbendingar geta verið tilefni rannsókna, ekki sakfellingar. Samlíkinging við fyrri ofsóknir er vegna þess að enginn þeirra sem í þessari umræðu hafa verið nefndir, hafa beinlínis verið fundnir sekir í kjölfar rannsóknar eða úrskurðar. Það er pólitísk lykt af þessari umræðu - að hluta til a.m.k.

Hins vegar get ég verið því fyllilega sammála að nauðsynlegt sé að rannsaka allar færslur og eignartengsl hinna svonefndu "útrásarvíkinga" bæði banka og fyrirtækja. Sama gildir um ákvarðanir helstu embættis- og stjórnmálamanna.

[Friðrik Þór Guðmundsson, 25.11.2008 kl. 12:44]

Jónas Egilsson er vissulega hægrimaður en skoðanir hans hér eru ekki réttlægri en skoðanir annarra. Hins vegar er fráleitt að líkja borgarafundunum og tillögu um að boða tilgreinda kapítalista á borgarafund við nornaveiðar og -brennur. 

Fjölmiðlamenn hafa verið teknir á beinið en enginn þeirra brenndur. Í gær voru pólitíkusar teknir á beinið og engum þeirra var drekkt. Að boða "30-menningana" líka á borgarafund að svara spurningum gerir ekki ráð fyrir hengingu, frekar en á fyrri borgarafundum. Ég hallast að því að Jónas óttist helst að "30-menningarnir" kynnu að fá það viðmót sem þeir eiga skilið.

Viðskrifaranum er viðbrugðið í stanslausri vörn sinni fyrir seðlabankastjóra og virðast raunar fáir hafa hann eins mikið "á heilanum" en einmitt hann, sem tilheyrir þessum u.þ.b. 10% þjóðarinnar sem enn dýrkar manninn. Undir núverandi kringumstæðum, með aðdraganda Hrunsins í huga allt aftur til 17-18 ára, eru það varnir Viðskrifarans sem eru "absúrd"!

[Gunnlaugur Ingvarsson (IP-tala skráð) 25.11.2008 kl. 13:01]

Mjog kraftmikill fundur og eg verd ad segja ad tad var mjog virdingarvert hja helstu radamonnum vel flestum ad maeta tarna a fundinn og sitja tarna undir millilidalausum fyrirspurnum folksins i landinu !

Eg get to ekki gefid Ingibjorgu Solrunu Gisladottur prik, tvi hun missti sig i hroka og yfirlaeti tegar hun gerdi litid ur fundarfolkinu og sagdi tad sko alls ekkert spegla tjodina sina.

Tvilikur hroki og yfirlaeti, eru tetta hennar "samraedustjornmal"

Eg spyr nu bara, af hvada tjod tykist Ingibjorg Solrun Gisladottir sig eiginlega vera !

Telur hun sig kanski sitja a Altingi og i Rikisstjorn Islands i umbodi og fyrir hond ESB, ja tad kaemi mer ekki a ovart ! 

[Theódór Norðkvist, 25.11.2008 kl. 13:01]

Eiga þeir til skothelt gler niðri í Háskólabíói?

[J.Þ.A (IP-tala skráð) 25.11.2008 kl. 14:06]

Já hun Ingibjörg Sólrún  ja... hún gengur nú fram og aftur af manni. Ég segi nú eins og Ragnar Reykás,  ma..ma..ma..ma mar bara skilur hana ekki. Hún sem fyrrum barðist fyrir jafnaðarstefnuna er orðin "innsti koppur í búri"  hjá íhaldinu. Meira að segja Þorgerður Katrín gaf henni kvótan sinn í gær á fundinum.  Hvað gerist næst hjá þér Ingibjörg Sólrún. Því nú er hroki þinn kominn í hámark. 

Þú átt erfitt, þú verður að skilja að þú ert að eyðileggja samfylkinguna,

                                   Ætlar þú að gera það?

[Viðskrifarinn (IP-tala skráð) 25.11.2008 kl. 16:06]

Læknir bendir sjúklingi á atriði, sem betur færu hvað varðar almennt heilsufar, eigi sjúklingurinn að ná bata.

Seint væri hægt að segja að læknirinn væri með krankleika sjúklingsins á heilanum þótt hann benti honum ítrekað á.

Áralangur áróður Baugsmiðla hvað Davíð Oddson varðar hefur auðvitað virkað - það vita fjölmiðlamenn - og þjóðin að stórum hluta komin með hann á heilann karl greyið

En segjum nú svo að læknistetrið væri stöðugt að tönglast á einhverju, sem kæmi núverandi ástandi sjúklingsins ekki við - teldist svoleiðis læknir góður og vænlegur til árangurs hvað veikindin varðaði?

Verði Davíð „hogginn“ í dag breytti það t.d. einhverju?

Yrðu allir ánægðir?

Lagaðist ástand á Íslandi strax?

Yrðu Bjöggarnir og Baugsfeðgar allt í einu góðir - og skiluðu góssinu?

Kæmi Darling - Brown og segðu „sorry“?

Yrði enginn útifundur á Arnarhóli 1. des?

og - lækkuðu stýrivextir strax í 6 prósent?

Ætli svarið við spurningunum yrði ekki einfalt nei !

Sem sagt Davíð skiptir engu máli og það þótt ríkisstjórn hans á sínum tíma, í umboði þjóðarinnar, hafi einkavætt banka og hvað varðar Landsbanka Íslands selt hann refsidæmdum manni, syni hans og félaga - manns, sem þjóðin bar í gullstóli þar til um daginn, en þjóðin að stórum hluta er með hann á heilanum.

Hétu þetta ekki nornaveiðar í denn?

[Friðrik Þór Guðmundsson, 25.11.2008 kl. 16:29]

Dr. Viðskrifari. Karl nauðgar konu. Konan vill ekki hafa karlinn nálægt sér eftir það. Það breytir því ekki að nauðgunin átti sér stað hvort hann er nærri henni eða fjarri. En henni líður betur að vita af honum fjarri. Helst bakvið lás og slá. Lagast ástand konunnar við það? Ætli henni myndi ekki líða ögn betur í sálartetrinu.

Hvað sem öllu öðru líður og með réttu eða röngu þá nýtur Davíð ekki trausts sem seðlabankastjóri. Það er nóg. Það lýtur að stjórnsýslulegri stöðu og hefur ekkert með nornaveiðar að gera. Geir og ISG eru óðum að komast í svipaða stöðu.

[Helgi Baldvinsson, 25.11.2008 kl. 23:03]

Viðbót á listann

Tryggvi Jónsson

Sjáið t.d. þetta:

http://www.nrk.no/contentfile/file/1.6323051!email-fra-tryggvi.jpg

Ég horfði á þáttinn í NRK1 í kvöld, Brennpunkt. Ég er ekki frá því að ég hafi skammast mín fyrir að vera íslendingur.